Iango Ibukin Bootakin te Utu n te Tairiki

Kanoan te beeba aio bwaai ao mwakuri ake a na kona ni kamanenaaki ibukin bootakin te utu n te tairiki. Aikai tabeua kakairi aika oti imwina.

“Ana Mition ao Ana Mwakuri Iesu Kristo,” iteraniba 18: Unimwaane Russell M. Nelson e tibwauai nimaua anuan maiun Iesu Kristo ae ti kona ni karekei. Iangoia ni maroroakin anua aikai ao ti na kanga ni kabonganai inano maium. Ko na bae n tangiria ni wareka te karaki man booki aika tabu iaon maiun te Tia Kamaiu ke ni mataku n tamnein te Baibara n te witeo (biblevideos.lds.org) are e katamneia teuana maibuakon anua aikanne. Ko kona ni motikia man tibwauan te kakoaua iaon Maiuna ao ana mwakuri ao n anenea “More Holiness Give Me” (Anene, nambwa. 131).

“Tera te Rao ni Koaua?” iteraniba 52: Ko na bae ni moanna man te titiraki, tera te rao ni koaua? Wareka ana kamatata Unimwaane Robert D. Hales ao maroroakinna bwa aeka n rao ra aika ti riai ni katotong. Iangoia n tibwaua te atatai n te tai teuana ngke temana e karaoa te katei ae kanga ti tebo ma te rao ni koaua nakoim, ao n taekin anua aika e kona ni buokia utu n riki bwa rao aika tamaroa riki nakoia tabeman.

“Bukamaruan taian Tembora!” iteraniba 62: Taraai tamnein kawai aika kakaokoro ma am utu, aika a tia ni karaoi ami ataei ni bukamaruan te tembora. Ingoia ni kaota tamnein te tembora ae te kabanea ni kaan ma ngkoe ao iangoia ao n taekina bwa bukin tera e kakawaki te tembora. Katuruturua n taekinna bwa tii n te tembora ae a kona iai utu ni kabaeaki. Ko na bae n iangoia ni motikia n te anene “Families Can Be Together Forever” (iteraniba 65).

N Oin Am Taetae

Te Riaona ao tabeua bokin te Ekaretia a kona ni karekeaki n taetae aika bati man languages.lds.org.