Iesu Kristo e Manga Kaoka Ana Ekaretia ni Boong Aika Kaitira

Ko kona ni kamanena te reirei aei ao te waki ni kakukurei n reireiniko riki ibukin ana boto n iango te Moanrinan ibukin te namwakaina aio.

Iangoia ae ko nako n ukoukora kakaean te kaubwai. Ko na kakaea ia te kaubwai? Ko na kanga ni kunea? A na iai te bwaoki ni kaubwai? A na tera kanoana?

Tabeua bwaoki ni kaubwai iai i nanona tiuweri ao koin aika kakaawaki. Ma ngaira aika membwa n ana Ekaretia Iesu Kristo Ibukiia aika Itiaki ni Bong aika Kaitira, iai kaubwaira are e kakawaki riki: ana euangkerio Iesu Kristo.

A mwaiti aomata aika a aki ata te kaubwai aei, ngaia are teuana tabera bon tibwauakina ma aomata aika mwaiti n aron ae ti kona.

I mwiin maten Iesu ao ana Abotoro, tabeua reirei n te euangkerio aika a kakawaki ao otenanti a bua ke a bitaki, n ikotaki ma te bwabetito, kariaia n te nakoanibonga, tembora, burabeti aika a maiu, ao te toa.

Ni kabane kaubwainte euangkerio a kaokaki rinanon te Burabeti ae Iotebwa Timiti. Tamara are i Karawa ao Iesu Kristo a kaoti nakon Iotebwa Timiti i nanon te Buakonika ae Tabu ngke e tataro ni kan ata te koaua.

I mwina Iotebwa e karekei bwatua aika koora ao e rairi nakon ana Boki Moomon. Ana Boki Moomon e kaonaki n reirei ake a kakawaki nakoira ibukina bwa e kabwarabwari koaua ake a tia ni bua. Ti karekei kakabwaia ibukina bwa iai iroura koaua n te euangkerio aikai.

Ai kakaawakira kaubwai aikai!

Kamatatan te tamnei iroun Bryan Beach