Berita Aika Tabu n te Tembora

Tataro mwaaka ni kamatebwaia te bwai n reirei aei, n arona ae riai, maroroakinna ma aine ake ko kawariia. Kabonganai titiraki bwa a na buokiko ni kakorakoraia aine ao ni karaoa te Bootaki n Aine bwa iteran maium ae kakaawaki.Ibukin rongorongona riki tabeua, nakon reliefsociety.lds.org.

Onimaki, Utu, Buoka

“Otenanti ni kamaiu ake a karekeaki inanon te tembora ake a kariaiaira bwa n te taina ao ti na okira Tamara are i Karawa n te reitaki n utu ae akea tokina ao ni kanakoaki ma kakabwaia ao te mwaaka mai i eta iai uaaia nakon ni kabane te anga karea ao ni kabane mwakuri,”¹ e taku Beretitenti Thomas S. Monson. Ngkana ko tuai n roko n te tembora, ko kona ni katauraoi ni karekei otenanti n te tembora aika tabu man:

Kakoauan te Tama are i Karawa, Iesu Kristo, ao te Tamnei ae Raoiroi.
Karikrakean te kakoaua iaon ana Mwakuri ni Kamaiu Iesu Kristo ao te euangkerio ae manga kaokaki.
Kamatoa n te kateibai ao irakin te burabeti ae maiu.
Te tau ibukin karekean te beeba ni kariaia nakon te tembora man kabwakaan te kabuianibwai, n riki n itiaki n te maiu aei, n riki ni kokoaua, kawakinan Tuan te Mauri, maiuakinan katei aika itiaki, bwainan te kokoaua, kawakinan Tuan te Mauri, ao ni maiu ma te rau ma ana reirei te Ekaretia.
Anga te tai, te tarena, ao bwai ni buoka ni katean aba n uean te Uea.
Mwakurian rongorongon te utu.²

Beretitenti Monson e reirei riki, “Ngkana ti uring berita aika tabu ake ti karaoi inanon [te tembora], ti na kona riki ni kaitaraai karirii ni kabane ao n tokanikai iaon kataaki n aroia nako.”³

Man Koroboki aika tabu

Doctrine ao Covenants 14:7; 25:13; 109:22

Man Rongorongora

“E raka iaon 5,000 Aika Itiaki aika a botaki itinanikun te Nauvoo Tembora imwiin katabuakina. …

“Te korakora, te mwaaka, ao kakabwaia man berita aika tabu n te tembora [kamatoa] Aika Itiaki ni Boong Aika Kaitira inanon aia mwananga nako [meang], ngke a [rotaki] n te mwaitoro, te kabuebue, baki, kainnano, aoraki, kabuanibwai, ao te mate.”⁴

N aroia titita n te Bootaki n Aine, Sarah Rich e beku bwa te tia mwakuri n te tembora. E taekina ana atatai: “Ngke arona bwa tiaki ibukin te onimaki ao te atatai are e katokaaki iaora n te tembora arei iroun … Tamnein te Uea, ara mwananga e na kona n titebo ma temanna ae wakina te mwakuri n aki ataia bwa e na kanga ni korobukina. … Ma iai ara onimaki iroun Tamara are i Karawa, … n namakinna ae ngaira bon Ana aomata aika rineaki … , ao irarikin te nanokawaki, ti namakinna ae ti na kimwareirei bwa ara bong ibukin kamaiuakira e a roko.”⁵

Te otinako bon tiaki “karaoan te mwakuri n aki ataia bwa e na kanga ni korobukina” ibukia aine aika onimaki Aika Itiaki ni Boong Aika Kaitira. A kamatoaki man aia berita aika tabu n te tembora.

The End of Parley Street, iroun Glen S. Hopkinson, e aki kariakaki kaobinakina