Te Reirei ni Kataneiai ni Kabuta te Aonaaba—Te Kawai ae Boou
N te namwakaina ae e na roko, membwa n te Ekaretia ni kabuta te aonaaba a na ira te kawai n anga reirei ae kakaongora nakon te Reirei ni Kataneiai ni Kabuta te Aonaaba.
Tiaki ai aron te bootaki ni kataneiai n ae nako, te Reirei ni Kataneiai ni Kabuta te Aonaaba n te ririki aei e na aki kanakoaki n te kanakobwana n ti teuana ibukin te uoote ao taan kairiiri n te titeiki. Onean mwiina, e a bwenauaki inanon ruaiua te mwakoro aika uarereke—nakon te DVD ao iaon LDS.org—marooro aika a kaunganano ma irouia taan kairiiri, membwa, ao kaain te utu ni karokoa te ririki ae e na roko ao taai aika a na roko.
Te kantaninga n te kataneiai aei bwa e na “Kakorakora te Utu ao te Ekaretia rinanon te Nakoanibonga.” Inanon te kataneiai, membwa man te Moan Beretitentii ao Abotoro ake Tengaun ma Uoman n te Kooram n reitaki ma Mataniwi ni Kabuta ao mataniwi n nakoa, a na anga te kaetieti ae kairaki iaon:
-
A kanga utu ni kunea te korakora ao te rau rinanon mwakan te nakoanibonga.
-
A na kanga ni buokaki utu nako n rinanon ana kakabwaia te nakoanibonga.
-
A na kanga naake a taui kingin te nakoanibonga ni kakorakoraia utu ao mwenga.
-
E kanga karaoan te mwakuri inanon ana kawai Kristo.
-
E kanga karikirakeaia ataei inanon te ota ao te koaua.
Ni kabane iunite n te Ekaretia a na karekei katoton te DVD, ao kauntira ni uoote ao titeiki a butiaki bwa a na taraia ni kabwaninna. A riai imwiina n reirei ni kabane bwa a na kanga ni buokia membwa n te uoote ao titeiki ni kakabwaiaki man te kaetieti.
Inanon bowi ao n taian kiraati, membwa a kona n taraaa ao ni maroroakin mwakoron tatabeua te DVD. Utu ao aomata n tatabemania nako a kona n tarai taian mwakoro, n raonaki ma bwaai n ibuobuoki aika a raka ni katamaroa aia kamatebwai, n wwlt.lds.org.
N taabo nako, te kabane ni korakora ni mwakoro n te kataneiai e na riki imwin bwanen te mwakoro ao e moanaki te maroro. Ngkai taan kairiiri, membwa, ao utu a iangoia raoi, n tibwaua, ao ni kakoaua te bwai are a tia n ongo ao n namakinna, te Tamnei ae Raoiroi e na anainanoia ao n reireinia bwa a na kanga ni kamwakura te kaetieti inanon oin aia kangaanga. Rinanon taian taneiai aikai, te Te Reirei ni Kataneiai ni Kabuta te Aonaaba e na buoka kakorakoran te utu ao te Ekaretia ni kabuta te aonaaba.
Unimwaane L. Tom Perry, Unimwaane Donald L. Hallstrom, ao Bitiobi Dean M. Davies a kaira te maroro n te banoo iaon kakawakin kabonganan kingin te nakoanibonga.
N tei itinanikun te auti ae te Mary Fielding Smith inanon te This Is the Place Heritage Park, Unimwaane M. Russell Ballard, Linda K. Burton, Unimwaane Ronald A. Rasband, Elaine S. Dalton, Rosemary M. Wixom, ao Bitiobi Gary E. Stevenson a maroroakina te kakabwaia ni karekean te nakoanibonga ni katoa mwenga.