Tera Ae Ti Kakoaua

Te Tamnei ae Raoiroi e Karaunano, Kairiko, ao e Kakoaua

Ana bwaintangira te Tamnei ae Raoiroi bon teuana te kabanea ni korakora ni kakabwaia ae ti kona ni karekea n te maiu aei, ibukina bwa te Tamnei ae Raoiroi e karaunano, e kairiko, e kauringiira, e kaitiakiira, ao e kairiira. E kona ni kanoaira “ma te kantaninga ao te tangira ae kororaoi” (Moronai 8:26). E reirei “koauan bwaai ni kabane” (Moronai 10:5). Ti karekea te kaotioti ao bwaintangira n te tamnei mairoun te Atua rinanon te Tamnei ae Raoiroi. Ae kakawaki riki, ti karekei ara kakoaua iroun te Tama are i Karawa ao Iesu Kristo rinanon te Tamnei ae Raoiroi.

Imwain ae ko bwabetitoaki, ko kona n namakina te Tamnei ae Raoiroi n te tai teuana ma teuana. Ma ti man karekean ana bwaintituaraoi te Tamnei ae Raoiroi imwiin am bwabetito ae ko kona n namakina iai kakukurein ana iraorao te Tamnei ae Raoiroi, ni karikiko bwa ko a tau. Te bwaintangira aei e karaoaki irouia ake iai irouia te Nakoanibonga ae te Merekitereka man te katokabai (taraa Mwakuri 19:6; D&C 33:15). Ni katoa bongin te Tabati imwiina, ko kona ni kaboui am berita n am bwabetito ngkana ko taua te toa ai ngaia are ko kona ni karekea ana kakabwaia te Uea are ko na teimatoa ni karekea Tamneina bwa e na memena iroum (taraa D&C 20:77).

Te Tamnei ae Raoiroi, n tainako ao e nanonaki bwa te Tamnei, bon te kateniman n Utu n Atua. E reirei te Burabeti Iotebwa Timiti: Iai rabwatan te Tama n iriko ao n ri kanga ai aron te aomata; te Nati naba, ma te Tamnei ae Raoiroi akea rabwatana n iriko ao riina, ma bon katotongan te Tamnei. Ngke arona bwa e aki kona, ao te Tamnei ae Raoiroi e aki kona n tiku iroura (D&C 130:22).

“Ibukina bwa Tamnein te Uea e aki kona ni maeka n taian tembora aika aki tabu” (Ereman 4:24), ti riai n tau n Ana iraorao. Ti karaoi man, ibuakon bwaai riki tabeua, karekean iango aika tamaroa, te maeka ma te etieti, ao n ukoukoria ni kawakin taian tua.

Imwiin karekean ana bwaintangira te Tamnei ae Raoiroi, ti kona ni karaoi bwaai aika mwaiti ni kaoa mwaakana n rooti maiura:

• Tataro

• Kamatebwai booki aika tabu.

• Kororaoi ngkana ti taua te toa.

• Taromauri n te tembora.

• Mataku n tamnei aika raraoi, kabonganai taetae aika itiaki, ao karekea te iango ae tamaroa.

Ibukin rongorongona riki tabeua, taraa 2 Nibwaai 31:13, 17; 32:5; 3 Nibwaai 27:20; Moronai 10:5–8; Joseph Smith—History 1:70.

Ti Aki Riai n Ana Te Bwaintangira Aei n Aki Iangoia Moa

“N aron bwantangira ni kabane, te bwaintangira aei e na karekeaki ao e na kariaiakaki ma te kukurei. Ngkana baia ake iai irouia te nakoanibonga a katokaki iaon atura ni kamatoaki bwa te membwa n te Ekaretia, ko ongo taeka, ‘Karekea te Tamnei ae Raoiroi.’ Tiaki nanona bwa te Tamnei ae Raoiroi e a teimatoa naba bwa raom n tainako. Ti kauringaki man booki aika tabu bwa Tamnein te Uea e na ‘aki mamakuri i nanoia aomata ni kabaneia’ (Karikan Bwaai 6:3). Ngkana ti a kamatoaki, ti anganaki te inaomata nakon ana iraorao te Tamnei ae Raoiroi, ma te inaomata are ti riai ni kateimatoa ni karekea rinanon te ongotaeka ao te tau.”

Unimwaane Joseph B. Wirthlin (1917‒2008) man te Kooram n Abotoro n te Tengaun ma Uoman, “The Unspeakable Gift,” Riaona, Meei 2003, 28.

Kamatata n te Tamnei iroun Christina Smith, Eve Tuft, Cody Bell, ao Matthew Reier