Wiikin te Itita

Ara Tia Kamaiu Iesu Kristo e kakoroa nanon te Mwakuri ni Kamaiu—are e irianaki ma Korakaina I Ketetemane, Taurakina iaon te Kaibangaki i Korokota, ao Mangautina man te ruanimate—inanon kabanean wiikin Maiuna.

N te Kauntira i Karawa imwain karikan te aonaaba, e anga Ana babaire te Tama are i Karawa ibukira, Natina. Ti takarua ibukin te kimwareirei ngke Tamara are i Karawa e rinea Iesu Kristo bwa e na wakina te baire ni kamaiu (taraa Iobi 38:7 ao Abraham 3:27). Bungiaki iroun Maria i Betereem, Iesu e maiuakina te maiu ae aki bure. Ibukin Ana Mwakuri ni Kamaiu, ti kona n oki ni maeka ma Tamara are i Karawa ao ni karekea te maiu are akea tokina. E na manga oki riki Iesu Kristo n te mwaaka ao te mimitong ni maeka iaon te aba n tain te Mereniam, ao E na tei bwa te Tia Motikitaeka irouia aomata ni kabane n te kabanea ni bong.

Aika oti inano tamnei man te Baibara are e kaota ana kabanea ni wiiki ni maiun te Tia Kamaiu. Iangoa warekan kiibu man booki aika tabu aika karinanaki ibukin tamnei n tatabeua nako. Ibukin bwaninin raoi rongorongon bwaai aika riki, nakon te tiata are e kaota aron karinanakin koroboki aika tabu ibukin Euangkerio ake aua n te Rikitionare n te Baibara ke te Kairi nakon Booki Aika Tabu. Tamnein te Baibara a tauraoi n te biblevideos.lds.org.

N te kanimaua ni bong imwain te Toa are te Riao, Iesu e mwananga nako Ierutarem iaon te aati n aron are e taekinaki irouia burabeti. Aomata a Kina bwa aia Uea, a takarua “Otanna,” ao a katikui kunnikaia ao mwangani kaai, i aontano imoan te aati. (Taraa Mataio 21:1–11; Mareko 11:1–11; Tekaria 9:9.)

Images © IRI

Ibukin te kauoua n tai n tain Ana mwkauri n te maiu ae mamate, Iesu e kaitiaki n te tembora. “E na atongaki maneabau bwa te maneaba n tataro, ma kam karaoia ba neia taani kamarua,” E tunagia tan rai mwane (Mataio 21:13). Ngkanne angiia mataki ma mauku a nako Ina inanon te tembora, ao E kamaiuia. Ma ngke mataniwiia ibonga ake a kakannato ao taani koroboki a noori Ana kakai, a rangin n un ao ni kakaea te kawai are a na Kamauna. Taraa Mataio 21:12–17; Mareko 11:15–19.

Images © IRI

Iesu Kristo, ana Riki Temanna te Tama, e kamangoria n ruo nako aon te aba ni kabooia aomata man te Bwaka. (Taraa 1 Nibwaai 11:16–22, 26–33; Aramwa 7:10–13.)

Images © IRI

Ni kabuta te wiiki, e taekin tabeua Ana kabwarabwara te Tia Kamaiu aika rangin ni kauringaba, n ikotaki ma Ana anga reirei ibukin ana mwane te aine ae akea buna. (Taraa Mareko 12:41–44; Ruka 21:1–4.)

Images © IRI

N te Onaroka are i Ketetemwane, te Tia Kamaiu e katorobubua ao e tataro, Marakina ibukin ana bure te aonnaba e karikia bwa E na ruru ibukin marakina, e wawanako rarana man bwangabwangan kunna ni kabane, ao ni korakai n rabwatana ao n tamneina” (taraa D&C 19:18). E aki maan ao Iuta Itekariota mwaane aika a rawata mwaitia ao a tauraoi ma aia bwai ni buaka a katika Iesu, ao nikabane ana taan reirei a kitana te Uea ao ni birinako. (Taraa Mataio 26:36–56; Mareko 14:32–50; Ruka 22:39–53.)

Images © IRI

Inanon Ana kabanea n amwarake, Iesu e berita nakoia Ana abotoro bwa ana karekea te Tia Karaunano, ke te Tamnei ae Raoiroi, ngke E nako. E reireiniia bwa ana Uringa man tauan te toa. N tokin te tairiki, Iesu e anga te tataro ibukin Ana reirei, ngke E tataro bwa ana reirei ana riki n teuana n te katiteuanaki. (Taraa Mataio 26:17–30; Mareko 14:12–26; Ruka 22:14–32; Ioane 13–17.)

Images © IRI

Imwiin bairean taekana ae e aki rinanon te tua ao kataereana ae aki riai, Iesu Kristo e kariaia bwa E na tauraki n te kaibangaki, ni katia te “kabanea n angakarea ae korakora” are e na karika te kamaiuaki nakoia natin te Atua ni kabane (taraa Aramwa 34:14–15). Imwain ae bong, taan iriira Iesu a kanakoa Rabwatana man te kaibangaki, a niiria n te kunnikai ae te rinen ae boiarara, ao ni kawenea n te bwanga ni matang. (Taraa Mataio 27; Ruka 23; Mareko 15; Ioane 19.)

Images © IRI

E a oti taai n ingabongin te Tabati, ao Maria te I-Maketaraa ao aine tabeman riki ake a onimaki a roko n te bwanga ni matang bwa ana kabira riki rabwatan Iesu. A kunea bwa atibun te bwanganimatang e rabino nako ao anera ake uoman a katanoata te rongorongo ae raoiroi ae kakukurei: “Akea ikai: ba E a uti” (Mataio 28:6). E a tia te Tia Kamaiu ae mangauti n tokanikai iaon te mate n rabwata ao ni karikira ngaira n tatabemaniira nako bwa ti na manga maiu: “Bwa aroia aomata, ngkai a bane ni mate iroun Atam, ao ai aroia naba bwa a na bane ni kamaiuaki iroun Kristo” (1 I-Korinto 15:22). (Taraa Mataio 28; Mareko 16; Ruka 24; Ioane 20).