I le Auala
O Le Nofoaga sa Faavaeina Ai le Ekalesia
O mai tatou o e suesue se nofoaga taua i le talafaasolopito o le Ekalesia!
Afai e mananao ia Maggie ma Lily E. e sue po o fea sa muamua faavaeina ai le Ekalesia, la te tau le o mamao. E tuaoi tonu lava ma le falesa i Fayette, Niu Ioka, lea la te lolotu i ai i Aso Sa uma!
Sa le’i faavaeina le Ekalesia i totonu o se falelotu, ae o totonu o se fale na fai i ogalaau. Sa sau le Perofeta o Iosefa Samita e nofo iina i le aiga o Uitimera i le 1829. Ua le o toe i ai le fale sa i ai muamua, ae o le fale ogalaau lenei ua tu ai i le vaega lava lea e tasi.
O le falelotu e lolotu i ai Maggie ma Lily, o loo i ai se nofoaga autu mo tagata asiasi o loo faaali ai mea e uiga i le fale o Uitimera ma mea faapitoa sa tutupu ai iina.
1. O iinei sa faamaeaina ai e Iosefa Samita le faaliliuina o le Tusi a Mamona.
2. O fafo, e le mamao lava mai le fale, sa vaai ai ni alii se toatolu i le agelu o Moronae ma papatusi auro. Ua ta’ua i latou o Molimau e Toatolu ona sa latou molimauina, pe vaai, i papatusi. E mafai ona e maua la latou molimau i le pito i luma o le Tusi a Mamona.
3. I le aso 6 o Aperila, 1830, pe tusa ma le 60 tagata sa o mai i se fonotaga faapitoa. Sa faatulagaina aloaia ai e Iosefa Samita le Ekalesia, ma sa faamanuiaina ma tufatufaina ai le faamanatuga. O le sauniga faamanatuga muamua lenei!
4. O le taimi lava na uma ai le fonotaga, na papatisoina ai loa matua o Iosefa Samita ma nisi o tagata i fafo.
Ata na pueina e Brent Walton; ata na tusia e Robert T. Barrett © IRI; Faavaeina o le Ekalesia, saunia e Robert T. Barrett, e le mafai ona kopiina