Tala mai le Konafesi

Aoao E Loto Faamaoni

Saunia e Peresitene Henry B. Eyring

Fesoasoani Muamua i le Au Peresitene Sili

Mai le “E Tasi Lava i Tatou,” Liahona, Me 2013, 62–63.

I le 1955 na avea ai au ma taitai i le Fuavaalele o le Ea Fosi a le Iunaite Setete Na tuu mai e lou epikopo ia te au i le fale se faamanuiaga ae ou te lei tuaa mo lau uluai nofoaga e faamautu i ai, lea sa i ai i Albuquerque, Niu Mekisiko.

I lana faamanuiaga na ia faapea mai ai o lo’u taimi i le fuavaalele o le a avea ma taimi o galuega faamisiona. Sa ou taunuu i le lotu i lo’u Aso Sa muamua i le Paranesi Muamua a Alburquerque. Sa savali mai se alii ia te au, faailoa mai o ia o le peresitene o le itu, ma tau mai ia te au o le a ia valaauina au e auauna atu o se faifeautalai o le itu.

Sa ou tau atu ia te ia o le a ou i ai iina mo aoaoga mo na o ni nai vaiaso ona tofia ai lea o au i se isi nofoaga i le lalolagi. Sa ia fai mai, “Ou te le iloa lena mea, ae ua ao ona matou valaauina oe e auauna atu.” I le ogatotonu o au aoaoga faamiliteli, lea sa atagia mai o se avanoa, sa filifilia ai au mai le faitau selau o taitai sa aoaoina e suitulaga i se taitai i le nofoaga tutotonu o le na maliu faafuasei.

O lea, mo le lua tausaga sa ou i ai iina, sa ou faigaluega ai i lou ofisa. I le tele o afiafi ma faaiuga o vaiaso uma, sa ou aoao atu ai le talalelei a Iesu Keriso i tagata sa aumai e le au paia ia i matou.

Sa matou iloiloina ma au soa e silia ma le 40 itula i le masina le averesi o a matou auaunaga faamisiona e aunoa ma se tuitui se tasi i faitotoa e sue se tagata e aoao. Sa matua faapisi lava matou e le au paia lea sa tele ai ina matou aoaoina ni aiga se toalua i se afiafi. Sa ou vaaia mo au lava ia le mana ma faamanuiaga i le valaau faifai pea a perofeta mo tagata uma o le ekalesia ia avea ma se faifeautalai.

I le Aso Sa mulimuli ae ou te lei tuua Albuquerque, sa faatulaga ai le uluai siteki i lena aai. Ua i ai nei iina se malumalu paia, o se maota o le Alii, i se aai sa matou feiloai ai i se falesa faatasi ma le Au Paia na aumaia ni uo ia i matou ina ia aoaoina ma lagonaina le molimau a le Agaga. Na lagonaina e na uo se aiga talimalo i le Ekalesia moni a le Alii.

O Le Tupe Lautele mo Faifeautalai

I le konafesi aoao ia Aperila 2013 na saunoa ai, Peresitene Thomas S. Monson e uiga i le tali atu ofoofogia ma le musuia a tagata talavou e ave ni misiona. Na ia saunoa mai, “Ina ia fesoasoani e faatumauina lenei ‘au o faifeautalai, ma ona o le toatele o o tatou faifeautalai e o mai i tulaga le mautu lelei, o lea matou te valaaulia ai outou, pe a mafai ai, ia saofaga ma le limafoai i le Tupe Lautele mo Faifeautalai a le Ekalesia.”

Peresitene Thomas S. Monson, “Susu Maia i le Konafesi,” Liahona, Me 2013, 5.

Fesili e Manatunatu Loloto I Ai

• O faapefea ona faamanuiaina lou olaga e au auaunaga faafaifeautalai po o auaunaga faafaifeautalai a isi?

• Aisea e te manatu ai na talosaga ai e perofeta le aveina atu o le talalelei i le lalolagi atoa?

• E mafai faapefea ona e fesoasoani ia i latou i lau eria o e e le o toe toaaga mai i le Lotu ina ia lagonaina le molimau a le Agaga?

Mafaufau e tusi ou mafaufauga i lau api talaaga pe talanoaina foi ma isi.

Punaoa faaopoopo i lenei autu: Mataupu Faavae o le Talalelei (2009), “Galuega Faafaifeautalai,” 207–14; “Missionary Work,” i Gospel Topics i le LDS.org; Jeffrey R. Holland, “Ua Tauto i Tatou Uma,” Liahona, Nov. 2011, 44–46.