Mo Tamaiti Laiti
Ua Faamaloloina e Iesu se Tagata Mai
Mai le Luka 5:17–25
I se tasi aso, sa aoao ai e Iesu tagata i totonu o se fale.
I fafo o le fale sa i ai se tagata na le mafai ona savali. Sa aumai o ia e ana uo i le fale ina ia mafai ona faamaloloina o ia e Iesu. Ae sa matua faatumulia le fale lea sa le mafai ai e ana uo ona aumai o ia i totonu.
Sa sii atu e uo a lea tagata o ia i luga o le tumutumu o le fale. Ona latou vaneina lea o se pu i le taualuga. Sa latou tuu ifo le tagata lea ma lona moega i totonu o le fale ina ia mafai ona silasila i ai Iesu.
Sa vaaia e Iesu le faatuatua tele o lea tagata ma ana uo. Sa Ia fai atu i le tagata, ia tulai ma savali. Sa tu i luga le tagata. Sa mafai ona ia savali! Piki i luga lona moega, ma alu ma le fiafia i le fale.
I lena aso, sa faaali atu ai e Iesu Keriso Lona mana maoae e ala i le faamaloloina o le tagata. Sa Ia finagalo ia iloa e tagata sa ia te Ia le mana e faia ai le tele o mea ofoofogia.