I le Auala
Maimoaina o Navu
Susu mai e maimoa i se nofoaga taua i le talafaasolopito o le Ekalesia!
E alu ae malie le pefu i luga a o e savali atu i lalo i le auala. E mafai ona e maimoa i le feilafi o ave o le la i luga o le Vaitafe o Misisipi. Ona pasia lea o oe e se solofanua a o tosoina se taavale toso. Pe ua e oo mamao atu i tua i le [talaaga]? Leai, o loo e tu i Parley Street i Navu, Ilinoi.
I le 1839 na nofoia ai e le Perofeta o Iosefa Samita ma uluai tagata o le Ekalesia ia Navu ma sa fausia se aai matagofie ma le malumalu. Sa latou nonofo ai iinei seia oo i le ogatotonu o le vaitau 1840, ina ua amata la latou malaga i sisifo.
Sa oo lava ina faia e le Au Paia a latou lava faamau mananaia.
O le upu Navu e mai se upu Eperu o lona uiga o le “nofoaga matagofie.” Sa i ai i Navu ni togalaau matagofie, fale piliki, ma laufanua lanulauava.
E tele fale tuai i Navu ua toe faafouina. E laei faifeautalai i laei o le vaitau 1840 ma faamatala atu i tagata asiasi tala e uiga i uluai Au Paia. E mafai ona e tofo i se kuki e fai i le fiu i le Scovil Bakery pe maimoa foi i le gaosiina o seevae i le fale seevae.
Sa taugata pepa ma le lafoina o meli, o lea na faaaoga ai e tagata ia “tusiga felavasa’i” i a latou tusi. Latou te tusitusi i le itu e tasi, ona liliu lea o le pepa ma tusi faalava ai i luga. Faataitai i ai ma vaai pe mafai ona e faitaua lau tusitusi!
E manaomia tagata e toatolu e faia le maea i le ala na faia ai e paionia!
I le aoga, e tusitusi ai tamaiti i sioka i luga o maatusi.
O loo tu le Malumalu o Navu i luga o se maupuepue e faasaga i le aai ma le vaitafe. Faitau atili e uiga i le malumalu i le lomiga o le masina fou!
O moliga’o sa faia e ala i le nonoaina o se manoa faataamilo i se maa ona lolō lea i totonu o le ga’o e maua mai manu, e fai pea [seia to’a le ga’o i le manoa].
O le malamalama mai lenei molītū e maua ai ni mamanu mananaia i luga o puipui ma le fa’alo.