Manatu mo Afiafi Faaleaiga

O lenei lomiga o loo i ai tusiga ma gaoioiga e mafai ona faaaoga mo afiafi faaleaiga. O ni faataitaiga nei se lua.

“Filifili e Aua le Faitatala,” itulau 59: Mafaufau e faitau le tusiga lenei ma le vaega e uiga i le gagana o loo i le Mo Le Malosi o le Autalavou (itulau 20). Talanoaina ni auala e faamasino ai pe taua ona tau atu se mea na e faalogo ai pe leai. E mafai ona avea fesili nei ma se vaega o lena talanoaga: Pe moni le faamatalaga? Pe talafeagai le toe faamatalaina o lenei faamatalaga? Pe o se agalelei lou toe faasoaina atu o le mea na e faalogo i ai? Mo se gaoioiga, e mafai ona e faia se fasi pepa mo tagata taitoatasi o le aiga ma tusi ai lona igoa i le pito i luga o le pepa. Ona pasi atu lea o pepa faataamilo ma tuu atu i tagata o le aiga e tusi i lalo ni mea latou te talisapaia ma fiafia ai i le tasi tagata.

“Ua Sosola Ese Alapaka!” itulau 67, “E Faafofoga ma Tali mai le Tama Faalelagi i A’u Tatalo,” itulau 70, ma le “O La Tatou Tali,” itulau 75: Iloilo nei tala ma talanoaina nisi o mafuaaga tatou te tatalo ai. Pe a uunaia ai, ia faasoa atu se aafiaga sa e mauaina i le tatalo. Pe na e mauaina se fesoasoani e pei ona maua e Romney? Sa e manao ea e iloa le upumoni, e pei o Tatiana? A uma ona faitauina ia tala, e mafai ona e faasoa atu ni mau e uiga i le tatalo, e pei o le 2 Nifae 32:8–9 ma le Mataupu Faavae ma Feagaiga 10:5. Valaaulia tagata taitoatasi o le aiga e fai ni sini e faaleleia ai ana tatalo patino. E mafai ona e faamaeaina i le usuina o le viiga e uiga i le tatalo, e pei o le “Le Itula o Talosaga” (Viiga, nu. 77).

I Lau Gagana

O loo maua le Liahona ma isi tusi a le Ekalesia i le tele o gagana i le languages.lds.org.