Fai se Faaputuga Oa

Ua sii mai e Peresitene Eyring le saunoaga a Peresitene Spencer W. Kimball (1895–1985) i le faapea mai “o api talaaga o se auala lea o le faitauina o o tatou faamanuiaga ma le tuua o se faaputuga oa o nei faamanuiaga mo a tatou fanau.” I le konafesi aoao ia Oketopa 2012, sa tuu mai ai e Peresitene Thomas S. Monson lana molimau i le tusiaina o api talaaga. Sa ia faasoa maia nisi o aafiaga mai lona soifuaga, i le faaopoopo mai, “O au api talaaga o aso uma, sa tausia i nei mau tausaga uma, ua fesoasoani e maua mai ai nisi o mea patino ia e foliga mai semanu e le mafai ona ou toe manatuaina.” Sa ia fautua mai, “Fai se faaputuga oa o lou olaga ma tagai patino mo faamanuiaga, tele pe faatauvaa, ua e mauaina” (“Mafaufau i Faamanuiaga,” Liahona, Nov. 2012, 86). Galue i le mulimulitaia o le fautuaga a nei perofeta ma seti ni sini e tusitusi i lau api talaaga.