O La Tatou Itulau

Na aoao mai e ou matua ia te au le talalelei ma ua avea ma faataitaiga lelei ia te au mai lo’u laitiiti. Sa ou aoao e faitau ia tala i tusitusiga paia mo le fanau, ma o le taimi nei ou te fiafia i le Tusi a Mamona. Ou te faitau i ai i aso uma, na o au faapea foi ma lo’u aiga. O Amona o le tagata ou te fiafia i ai i le Tusi a Mamona. O ia o se faifeautalai maoae, o se mea ou te manao ia avea ai au pe a ou matua.

Esteban M., 8 tausaga, Colombia

Ina ua alu se tafaoga a lou aiga i Panama, o le atunuu moni o lo’u tina, sa ave e ou matua i maua ma lou tuafafine laitiiti, o Yhoalibeth, e asiasi i le Malumalu o Panama City i Panama. Sa aveina i maua e lo ma tina e pa’i atu i le puipui o le malumalu. Mulimuli ane, ina ua ou ta’u atu i lo’u tina le fiafia sa ou lagonaina a o matou i ai i le malumalu, sa fai mai o ia sa ou lagonaina le Agaga Paia.

Sergio B. Jr., 7 tausaga, Florida, ISA

Pasha Z., 9 tausaga, Iukureini

O Letícia C., 6 tausaga, na 3 ona tausaga ae faamaeaina le Malumalu o Curitiba Pasila. Sa fiafia o ia e alu i le malumalu, ma alu i ai i aso uma o le vaiaso mulimuli o le fale tatala. O loo fiafia pea o ia e asiasi atu i le malumalu ma savalivali i totonu o togalaau matagofie. E fiafia foi Letícia e tusiata ma aau.

Peraimeri: Mulimuli ia Iesu

O Maurizio D., 11 tausaga, mai Italia, e fiafia i sauniga faamanatuga aua na te aoao ai e uiga i le Tama Faalelagi ma Iesu Keriso. E fiafia o ia e alu i le lotu aua e malie ma manaia ma e matua matagofie lava. E fiafia o ia i le Ekalesia ma le tele o ana uo.

Ina ua matou sauni mo le suatiaina o le eleele mo le Malumalu o Tijuana Mekisiko, sa matuai fiafia lava i matou. Sa matou o o se aiga e auauna atu. Na matou faamamaina ia lotoa o le malumalu. Ou te iloa o le a asiasi mai le Alii i Lona maota pe a maea.

Jesus S., 6 tausaga, Mekisiko

O le suesueina o tusitusiga paia e fesoasoani ai ia te au e filifili le mea sa’o.

“O Papatusi Auro,” saunia e P. Tuyêt Hoa P., 10 tausaga, Kemupotia

Ou te filifiliina le mea sao pe a ou mulimuli i le Tama Faalelagi ma Iesu Keriso.

N. Thi LinĐa, 8 tausaga, Kemupotia

O la’u vaega e fiafia i ai i le Tusi a Mamona o le tala ia Nifae ma le malaga i luga o le sami.

Kelly C., 10 tausaga, Filipaina

Tatou te manaomia ona faamauina i le malumalu ina ia mafai ona tatou ola o se aiga e faavavau.

Shanna C., 8 tausaga, Filipaina

Ou te fiafia e alu i le lotu faatasi ma lo’u aiga ma aoao e uiga ia Iesu Keriso. I le fale ou te fiafia e faitau ma aoaoina tala i tusitusiga paia, usuina o viiga, ma taaalo i taaloga i le taimi o afiafi faaleaiga. E faamanuiaina lo’u aiga e le talalelei ma ou te lagona ai le fiafia. Ua uma ona ou tuuina atu se Tusi a Mamona i ni faiaoga se toatolu ma lau uo mamae, o Miguel. O la’u pese Peraimeri ou te fiafia i ai o le “Matou te Aumaia le Upu Moni i le Lalolagi” (Tusipese a Tamaiti, 92).

Martim P., 6 tausaga, Potukale

Henrique S., 7 tausaga, Pasila