Ua Mafai e Tagata o le Ekalesia Ona Talosagaina Laina o le Pule o le Perisitua
Ua mafai nei e le Ekalesia ona tuuina atu faamatalaga o laina o le pule o le perisitua o se auaunaga i le au paia pe a talosagaina. O le laina o le pule o le perisitua o se mamanu faasolosolo o faauuga lea e mafai ona tau atu i tua i le uluai amataga o le Ekalesia ma faapea ona tau atu ai i le Faaola.
E ui o se e umia le perisitua i le tofi o le Fitugafulu e ono aofia i le laina patino o le perisitua a se tagata o le Ekalesia, ae e leai se laina motuese o le pule e taofia mo le tofi o le Fitugafulu. Ma le isi, o le laina o le pule o le perisitua mo epikopo ma peteriaka faauuina e su’e e ala i o latou faauuga o se faitaulaga sili.
E na o faamatalaga e faatatau i laina o le pule o le Perisitua Mekisateko e mafai ona talosagaina mai i le Ekalesia; e le maua laina o le Perisitua Arona. E mafai e tagata o le Ekalesia ona talosagaina faamatalaga o latou lava laina o le pule o le Perisitua Mekisateko, se tamaitiiti o loo nofo i le aiga, po o se faifeautalai talavou o loo faamisiona i le taimi lea. O nei pepa o faamatalaga e le o ni faamaumauga aloaia a le Ekalesia.
Afai e te finagalo e talosaga lou laina o le pule o le perisitua, ia aofia mai ai lou igoa atoa faatulafonoina, aso fanau, numera o le pepa faamaumau (o loo maua i luga o se pepa faataga o le malumalu pe mai le failautusi o la outou uarota), le igoa o le tagata na faauuina oe i le tofi o le toeaina po o le faitaulaga sili (pe afai o iloa), ma lou tuatusi e lafo atu ai ma le numera o le telefoni po o le tuatusi imeli.
Auina mai lau talosaga i le:
Priesthood Line of Authority
Global Service Center
120 North 200 West
Salt Lake City, Utah 84103-1514, USA
Fesi: 1-801-240-6816
Telefoni: 1-800-453-3860, laina faaopoopo 2-3500
Imeli: Auina mai se imeli i le lineofauthority@ldschurch.org ae tuu le “PLA” i le laina o le mataupu O le tali o le a e maua ai se fomu e faatumu ma toe faafoi mai (e i ai se tali otometi i soo se savali e i ai le “PLA” i le laina o le mataupu).
O le laina o le pule o le perisitua mo i latou e faatinoina sauniga e mafai ona maua seia oo i tua i le Faaola.
O Keriso o loo Faauuina le Au Aposetolo e Toasefululua, saunia e Harry Anderson © IRI