I le Auala
Faatalitalii Uinita Kuata
O Se Aai Fou
Ina ua mavae ona fasiotia le Perofeta o Iosefa Samita, na avea Navu, Ilinoi, ma se nofoaga matautia. Na sosola ese le Au Paia mai o lo latou fale e sue se nofoaga saogalemu e nonofo ai. Ia Fepuari 1846, na amata ai e le vaega muamua o le Au Paia la latou savaliga umi agai i sisifo, peitai o le leaga o le tau ma ma’i na latou tuai ai. E oo ane i le taimi na latou sopoia ai Iowa, ua fai si tuai o le tausaga mo le aea o Mauga Papa a o le’i oo i le taumalulu. O lea na filifili ai e taitai o le Ekalesia se nofoaga e mafai e le Au Paia ona nonofo ai mo le taumalulu. Sa latou faaigoaina o Uinita Kuata.
Galulue Faatasi
O nisi tagata sa fausia ni fale i ogalaau po o ogāpalapala. Isi sa nonofo i faleie ma ana. Sa taumafai le Au Paia ina ia fiafia i le taimi umi, ma le maatiati o le taumalulu. Sa latou fesoasoani a’i. Sa o i konaseti ma pepese ma sisiva. Sa latou fausia se fale vili falaoamata, se fale faafiafia o le taulaga, ma se falegaosi ato.
Siitia Ese Atu
Sa faigata le taimi na faaalu e le Au Paia i Uinita Kuata. E toatele tagata na maliliu. Ae sa faatuatua le au paionia o le a faamanuia i latou e le Alii ma fesoasoani ia latou oo atu i Siona. Ina ua oo mai le tautotogo, na tuua e le vaega muamua o paionia ia Uinita Kuata ae malaga atu i le Vanu o Sate Leki.
I le taimi nei ua mafai ona e vaaia le Malumalu matagofie o Uinita Kuata, Nebraska ma asiasi atu i le Nofoaga Autu o le Auala a Mamona i Uinita Kuata e aoao atili ai e uiga i paionia.
O le faaaliga lenei i totonu o le Nofoaga Autu o le Alasopo a Mamona i Uinita Kuata ua toe faia ai se tolauapiga i le auala o Iowa lea na tusi ai e William Clayton le viiga “O Mai, O Mai, Outou le Au Paia” (Viiga, nu. 30).
I le Nofoaga Autu o le Alasopo a Mamona, e mafai ona e vaaia ai ia ituaiga o sapalai na aveina e le Au Paia i la latou malaga i sisifo. Sa ta’u atu e taitai o le Ekalesia ia i latou e ave ia falaoamata, mea faamanogi meaai, araisa, pi, ma susu povi.
O nisi o le Au Paia na fauina ni tamai fale laau e nonofo ai ao i ai i Uinita Kuata.
O Le Au Paia o loo Sopoia le Misisipi, saunia e Grant Romney Clawson © IRI; ata na pueina e Jennifer Maddy, ma Welden C.Andersen
O Le Alasopo i Iowa
Iowa
Navu
Uinita Kuata