Manatu mo Afiafi Faaleaiga

O lenei lomiga o loo i ai tusiga ma gaoioiga e mafai ona faaaoga mo afiafi faaleaiga. O ni manatu nei e lua.

“Avea ma se Faifeautalai o le Talai La’u Talalelei”, itulau 46: Mafaufau e talanoaina o se aiga ia uiga e lima o le avea ma faifeautalai o le Talai La’u Talalelei. Ona taumafai lea e faataitai ia mataupu faavae. E mafai ona outou iloiloina faatopetope se vaega o le Talai La’u Talalelei ma tuu atu i tagata eseese o le aiga ni taimi puupuu e auauai ai e faataitai le aoao atu o ni vaega o lesona a faifeautalai a o isi tagata o le aiga o faafoliga e avea ma tagata sailiili. E mafai ona outou talanoa i luitau o le galuega faafaifeautalai ma palepalealuga i ni auala e atiina ae ai uiga o loo faamatala mai e Elder David A. Bednar.

“Ia Malolosi, Ia Ola Maloloina, Ia Atamamai,” itulau 52: A uma ona iloiloina le tusiga a Elder Adrián Ochoa, mafaufau e fuafua se gaoioiga e mafai ai e tagata o lou aiga ona malolosi faatasi faaletino. Atonu tou te mananao e taaalo i se taaloga pe savalivali. Ia mautinoa e fetuunai le tou gaoioiga i le matutua ma le gafatia o tagata o le aiga (e mafai ona e fai atu i lau fanau matutua e fesoasoani i tamaiti laiti e faamaea le gaoioiga, mo se faataitaiga). A uma la outou gaoioiga, talanoa o se aiga i faamanuiaga o le ola malolosi faaletino. E mafai foi ona outou fuafuaina ni auala e faaauau ai pea ona galulue o se aiga e mulimuli i fautuaga a lo tatou perofeta soifua e tausi o tatou tino.

I Lau Gagana

O loo maua le O Le Liahona ma isi tusi a le Ekalesia i le tele o gagana i le languages.lds.org.

Ata na saunia e craig dimond