Mga Ideya sa Family Home Evening

Kini nga isyu naglangkob og mga artikulo ug mga kalihokan nga magamit alang sa family home evening. Ang mosunod mao ang duha ka ideya.

“Si Jesus Gibunyagan,” pahina 74: Ikonsiderar ang pagsugod sa inyong family home evening pinaagi sa pagkanta sa “Sa Pagbunyag ni Jesus” (tan-awa sa pahina 73). Mahimong dungan mo nga magbasa sa asoy sa bunyag ni Jesus diha sa biblia ug dapita ang mga sakop sa pamilya kinsa nabunyagan sa pagpakigbahin sa ilang pagbati ug nakat-unan sa dihang sila nabunyagan ug nakumpirmahan. Samtang dungan mo nga magbasa ug mopakigbahin og mga pagpamatuod, tabangi ang inyong mga anak nga makasabut sa mga pakigsaad nga may kalabutan sa bunyag. Mahimo ninyong gamiton ang mga pangutana sa kasulatan nga anaa niining artikulo samtang inyong tudloan ang inyong mga anak kabahin sa mga pakigsaad sa bunyag.

“Ang Tinuod nga Gugma,” pahina 80: Sa tibuok semana, hangyoa ang usa ka sakop sa pamilya sa pagpangita og yanong mga buhat sa pagkamabination nga mahitabo matag adlaw. Panahon sa family home evening, hangyoa siya sa pagpakigbahin unsay iyang napanid-an sa tibuok semana. Sama sa gisulti ni Elder Wirthlin sa iyang mensahe, “Ang gugma mao ang sinugdanan, ang tunga-tunga, ug ang katapusan sa dalan sa pagkadisipulo.” Ikonsiderar sa paghimo og yanong drowing nga nagpakita og dalan nga gibahin og ginagmay. Ipasabut nga sa kada lihok sa pagkamabination nga ilang gibuhat—madako o magamay—ang mga sakop sa pamilya makakolor og usa ka bahin sa dalan. Samtang naningkamot ang inyong pamilya sa pagpakita og gugma sa uban, kamo magpadayon diha sa dalan sa pagkadisipulo.