Tusigāmanatu o le Konafesi o Aperila 2015

2015

Setema 2015

Tusigāmanatu o le Konafesi o Aperila 2015

“O le mea ua fai atu ai A’u o le Alii ua Ou fai atu ai; … pe i lo’u lava leo po o i le leo o au auauna, ua tutusa lava” (MF&F 1:38).

A o e iloiloina le konafesi aoao ia Aperila 2015, e mafai ona e faaaogaina itulau nei (ma Tusigāmanatu o le Konafesi i lomiga i le lumanai) e fesoasoani ai ia te oe e suesue ma faaaoga aoaoga talu ai nei a perofeta soifua ma aposetolo ma isi taitai o le Ekalesia.

Tala Maoae mai le Konafesi

O le a se mea e sili ona tosina ai lo tatou mafaufau nai lo se tala maoae? O tala nei e fa mai le anoanoai o tala na faasoaina i le taimi o le konafesi:

Aisea e le iloa ai e Sister Yazzie o le siteki a Chinle i Arisona pe toafia ni fanau a fanau o ia te ia? Ua faasoa mai e sister Yellowhair le tali e le‘i faamoemoeina. —Tagai Carole M. Stephens, “O Le Aiga E Ou Le Atua,” 11.
O tala faatino ma le lototele e faamatala ai le tala o Marie Madeline Cardon, o se tamaitai talavou na puipuia lona faatuatua i le Au Paia o Aso e Gata Ai i le 1850 e faasaga i tagata faatupu veves i le Pavaria o Italia i matu. Sa ia tu o se faataitaiga mo i tatou i le taimi nei. —Tagai Bonnie L. Oscarson, “O Tagata e Puipuia le Folafolaga i le Aiga,” 14.
Faitau pe na faapefea ona faamanuiaina le aiga o Turay e taulaga anapogi i le taimi o le taua o le malo i le 1991 i Sierra Leone. —Tagai Henry B. Eyring, “E Le o Lenei Ea le Anapogi Ou te Loto I Ai?” 22.
E oo mai lenei tala o le lototoa, faamoemoe, ma le mulimuli i le malamalama i ulutala o talafou talu ai nei, ae o lana savali o loo i ai se faaaogaina e faavavau mo i tatou. —Tagai L. Whitney Clayton, “Filifili e Talitonu,” 36.

O Tali mo Oe

E tuuina mai i konafesi taitasi, e perofeta ma aposetolo ni tali musuia i fesili atonu o i ai a tagata o le Ekalesia. Faaaoga lau lomiga o Me 2015 pe asiasi i le conference.lds.org e sue ai tali i fesili nei:

Ou te talitonu i le Togiola a Iesu Keriso, ae o le a le auala e mafai ona ou faaaogaina ai lona mana i lo‘u olaga? Tagai i le Dale G. Renlund, “Le Au Paia o Aso e Gata Ai, Taumafai Pea,” 56.
E faapefea ona e faia galuega faafaifeautalai? O a mea e mafai ona ou faia ina ia faia se suiga sologa lelei mai le faifeautalai i faifeautalai ua maea misiona? E faapefea ona faamanuiaina au e ala i le auai i le seminare ma le inisitituti? Tagai M. Russell Ballard, “O Le Tupulaga Silisili o Talavou Matutua,” 67.
E mafai faapefea ona avea a’u ma se tama e sili atu ona lelei? Tagai i le Larry M. Gibson, “Tulaga Faaletama—O Lo Tatou Taunuuga e Faavavau,” 77.
O a ni faamanuiaga tulaga ese o se olaga faaletino o le tino ma le lalolagi? Tagai Joseph W. Sitati, “Ia Fanafanau, Uluuluola, ma Faatoʼa le Lalolagi,” 126.

Ina ia faitau, matamata, pe faalogo i saunoaga o le konafesi aoao, asiasi i le conference.lds.org.