Galue i le Tatalo

Ua aoao mai Peresitene Eyring e mafai ona faamanuiaina lou aiga e ala i le lua sootaga malosi ma le Tama Faalelagi. E mafai ona faaleleia atili ai la oulua sootaga ma Ia e ala i le faaleleia o au tatalo! O ni nai manatu nei i le auala e faia ai lena mea:

A o lei amata ona e tatalo, ia faaalu ni nai minute e mafaufau e uiga i le mea e te manao e fai atu ai. Mafaufau i ni au fesili o i ai, po o mea sa e popole ai—e mafai ona e tusia i lalo ina ia aua nei galo ia te oe. Ia faaaoga foi le taimi lenei e faamanino ai i lou mafaufau mai faasoesa o le aso ina ia mafai ai ona taulai atu i uunaiga malu a le Agaga Paia. Afai e foliga mai o taase lou mafaufau a o e tatalo, taumafai e vaai faalemafaufau i le Tama Faalelagi o faafofoga mai. Talanoa i mea patino. Ma le isi, ia tuu foi ni nai minute i le faaiuga o le tatalo e faalogologo ai i uunaiga a le Agaga. E mafai ona e tusia i lalo ou manatu i lau api o talaaga.

Ia manatua ua faaigoa le tatalo “o se ituaiga o galuega” (Bible Dictionary, “Tatalo”), ina ia aua le popole pe afai e manaomia ona faatino pe foliga foi e faigata! E mafai ona fesoasoani au taumafaiga e tatalo e fausia ai se sootaga ma le Atua lea o le a faamanuiaina ai augatupulaga.