O Se Aganuu o le Faatuatua i Kuatemala

Saunia e Lisa López

Mekasini a le Ekalesia

Ua iloa e Merci Arens o le puipuia o ona tulaga faatonuina e sili atu ona faigofie pe a i ai le lagolago a uo e i ai foi na tulaga faatonuina.

Composite of three images. 1) A lake in Guatemala 2) A Guatemalan textile 3) A young woman in Guatemala, Merci Arens.

I le 68 tausaga talu ona faatoa folasia mai le Ekalesia i Kuatemala, sa faatupulaia tagata auai. O Kuatemala o se atunuu e tamaoaiga i le vaomatua ma se aganuu Maiana eseese. E ui lava i lona matagofie, e masani ona iloa ia Kuatemala i lona mativa ma le finauvale faaupufai. Peitai, e le faapea o se atunuu e mativa i le agaga. O Merci Arens, o se 25-tausaga mai le Aai o Kuatemala, ua lagona le faamanuiaina e nofo i se atunuu i lona tulaga e tele atu, e faapalepale tagata ma talia lotu o tapuaiga eseese. “O se tasi o uiga taua o Kuatemala o le aganuu o lena mea, e masani ai, o i matou o ni tagata e lolotu,” o lana tala lea. “O le aganuu ma le siosiomaga e talimalo lelei tele ma e olaola.” O lena tala na fai mai ai, o le mauaina o le tupulaga e faasoa atu i ai ona talitonuga lava e tasi sa lē faigofie.

“O o‘u tulaga faatonuina e foliga mai e ese i le tagata i le galuega ma le a’oga o e e le’i faalogo lava i le faa-Mamona,” o lana tala lea. E le o se mea e faavaivai loto mo Merci, o loo faamamafaina le taua o le toaga i valaauga o le Ekalesia ma gaoioiga. “Pe a ou alu i nei gaoioiga, ou te evaeva e fatu ai ni sootaga ma tagata e tutusa a matou sini ma mataupu faavae.” Ua maua e ia o le i ai o uo e fefaasoaai aafiaga faaleagaga ua fesoasoani e ola ai lana molimau. Ona o nei faigauo, ua maua ai foi e Merci se faamanuiaga e lei faamoemoeina. “Ua ou iloa foi ua faigofie atu le tafao faamasani aua ua ou tafao i ni uo. Ua ou vaai ia te i latou i tulaga eseese, lea e mafai ai ona ou iloa i latou i se auala e sili atu ona masani ai.”

E i ai taimi ua tautino mai ai e Merci lona lagona uunai ia faaipoipo; peitai, o loo pipiimau pea i le saogalemu o loo i lona loto faapea o le a lelei mea uma. “Ua ou sagisagi atu e feiloai i se soa, o le, e ala i la ma’ua mafutaga, o le a fesoasoani e faalatalata atili atu a’u i le Atua ona ma fausia faatasi ai lea o se aiga e faavavau.”

Mai i faamanuiaga uma ua maua e Merci, o loo i ai se tasi e faapitoa lava tulaga ese ia te ia: “Sa aveesea lo‘u tina i le 15 o o’u tausaga. O lona maliu na oo mai ai le tele o fesili. Ae peitai, o nei fesili ma tali na oo mai ua matuai mamanuina ai lo‘u olaga.” E ala i tatalo faamaoni, na mafai ai e Merci ona maua le mafanafana o le a mafai ona ia tuu atu i lona tina i se aso, le opo lava e tasi lea sa avatu e lona tina ia te ia a o laitiiti. “O le moni o le talalelei ua faamalamalamaina ai lo‘u olaga i aso uma ma gaoioiga,” o lana tala lea. “Ou te iloa ou te fesootai atu i le alofa paia o le Atua, ma e faataunuuina ai ia te au i soo se itu.”

O nisi mea e uiga ia Merci.

O le a le meaai Kuatemala e sili ona e fiafia i ai?

E ta’u o le “Hilachas”—o se isi itu e fai i pateta lanumumu, ma fasi povi laumiumi. E faaopoopo e nisi tagatga i ai le pi lanumeamata po o karoti, ae o a’u ia e na o le pateta e tuu i ai.

O a ni vaaiga e sili ona e fiafia i ai?

O Kuatemala o se nofoaga matagofie faalenatura. O se tasi o nofoaga ou te fiafia e asiasi i ai o le Vaituloto Atitlan ma le taulaga lata ane, o Panajachel, lea e malosi ai le aganuu faa-Maiana. Sa galulue tagatanuu e faasaoina la latou gagana masani, ma ou fiafia lava e faamemelo i lanu ma le lavelave o a latou ie suilima lalaga.

O le a le tulaga e i ai aoga maualuluga i Kuatemala?

I lo‘u atunuu o le mataupu e faatatau i a’oga e felefele. O le le iloa tusitusi ma faitautusi o se faafitauli o loo feagai ma le tele o tagata. A uma ona faauu i le aoga maualuga, o le toatele o talavou matutua e feagai ma tiutetauave o le tamaoaiga lea e uunaia malosi i latou e faigaluega tumau. Ae o le Ekalesia ua avea ma se meafaigaluega matagofie ua fesoasoani ai i tagata o le au paia ia maua aoga maualuluga atu.