O Uiga Paia o Iesu Keriso: E Mamana ma Tumu i le Mamalu

Ia suesue ma le agaga tatalo lenei savali ma saili ia iloa mea e faasoa atu. O le a mafai faapefea e le malamalama i uiga paia o le Faaola ona faateleina lou faatuatua ia te Ia ma faamanuiaina ai i latou o loo e tausia e ala i le faiaoga asiasi? Mo nisi faamatalaga, alu i le reliefsociety.lds.org.

Faamaufaailoga a le Aualofa — Faatuatua, Aiga, Toomaga

Christ at the tomb of Lazarus. He has His hand extended to the entry of the tomb as He commands Lazarus to rise from the dead. Lazarus (in burial robes) is visible standing inside the entry to the tomb. A man is moving the stone door of the tomb away from the tomb entry. Several people (men and women) are watching the miracle in amazement.

Ua aoao mai e tusitusiga paia ia i tatou, o Iesu Keriso “na maua le mana atoa, i le lagi ma le lalolagi, ma sa faatasi ma ia le mamalu o le Tama” (MF&F 93:17). Na saunoa mai Elder M. Russell Ballard o le Korama a Aposetolo e Toasefululua faapea e ala i lenei mana o lo tatou Faaola na foafoaina le lagi ma le lalolagi, sa faia vavega, ma onosaia le tiga i Ketesemane ma Kalevario.¹ A o tatou malamalama i lenei mea, o le a faateleina lo tatou faatuatua ia Keriso, ma o le a tatou malolosi atu.

A o tatou osia ma tausia feagaiga o le malumalu, e faamanuiaina i tatou e le Alii i Lona mana. Na saunoa Linda. K. Burton, peresitene aoao o le a le Aualofa: “O le tausia o feagaiga e faamalosia ai, maua ai le mana, puipuia ai. … Sa ou feiloai talu ai nei i se uo pele. Sa ia molimau mai ina ua uma ona maua ona faaeega paia, sa ia lagona le malosiaga ma le mana e tetee atu ai i faaosoosoga.”²

Ua molimau mai Nifae e uiga i le mana o le feagaiga: “Vaai a’u o Nifae, i le mana o le Tamai Mamoe a le Atua, ua alu ifo … i luga o le tagata o le feagaiga a le Alii …ma sa faaauupegaina i latou i le amiotonu ma le mana o le Atua i le mamalu tele” (1 Nifae 14:14).

Mau Faaopoopo

Ieremia 51:15; Faaaliga 1:6; Iakopo 4:6 – 7; Mosaea 3:17

Mai Tusitusiga Paia

I le faatumuina i le mutimutivale alofa mo Mareta ma Maria, sa faatuina mai e Iesu lo la’ua tuagane o Lasalo mai le oti e ala i le mana o le Atua sa ia te Ia.

Na taunuu atu Iesu i le fale o Mareta ma Maria a ua atoa le fa o aso o i ai Lasalo i le tuugamau. Na latou o i le tuugamau o Lasalo, ma sa poloaiina ai e Iesu e aveese le maa sa pupuni ai le faitotoa. Sa fetalai atu Iesu ia Mareta, “Pe na ou le fai atu ea ia te oe, Afai e te talitonu, ona e iloa lea o le mamalu o le Atua?” Ona Ia tatalo lea i le Atua le Tama ma “alaga lea [o ia] ma le leo tele, Lasalo e, ina sau ia i fafo.

“Ona alu ai lea i fafo o le na oti, ua fusifusia ona vae ma ona lima i ie na tanu a’i.” (Tagai Ioane 11:1–45.) E faaaoga e le Faaola Lona mana e togiola ma faamanaina ai i tatou. O le a faateleina lo tatou faatuatua ia te ia a o tatou manatuaina o Ia o le tumu i le mana ma le mamalu.