Suega o le Tala a le Aiga

Saunia e Carolyn Colton

O se taaloga lea e fesoasoani e te aoao atili ai e uiga i lou aiga ma a latou tala!

Sauniuniga

1. Mafaufau i ituaiga tala se fa, e pei o le Malie, Laitiiti, Faaleagaga, po o le faiga-Malologa. Tusi i vaega taitasi i luga o se fasi pepa ma faapipii i luga o le puipui.

2. Sue ni tala faaleaiga se fa mo vaega taitasi. Fai atu i lou aiga mo se fesoasoani.

3. Mafaufau i ni faaataataga puupuu mo tala taitasi ma tusi i luga o fasi pepa.

4. Tusi 100, 200, 300 pe 400 ’ai i le isi itu o le pepa. Faapipii le faaataataga i lalo o le vaega.

Faiga o le Taaloga

1. Vaevae tagata taaalo i ni ’au se lua. Po o ai lava na tusia ia faaataataga o le taitai lena.

2. Piki e le ’au muamua se vaega e pei o le “Malie, mo le 200.”

3. E aveese e le taitai le numera ma faitauina le faaataataga. Afai e mafai ona ta‘u atu e le au le tala e fetaui ma le faaataataga, ona latou maua lea o le ’ai!

4. Afai latou te le iloa le tala, ona ta’u atu lea e le taitai o le tala ae faamisi se faamatalaga, e pei o le mea sa tupu ai, po o le, o ai lea e faatatau i ai. Afai e mafai e le ’au ona mate mai ia faamatalaga o loo misi, ona maua lea o la latou ’afa ’ai.

5. Piki e le isi ’au se faaataataga ma taaalo. A uma ona piki uma ia faaataataga, o le ’au e sili o latou ’ai o le ’au lena e malo.