Indeks sa mga Istorya sa Komperensya

Ang mosunod nga lista sa piniling mga kasinatian nga may kalabutan sa kinatibuk-ang komperensya magamit sa personal nga pagtuon, family home evening, ug ubang pagpanudlo. Ang numero nagpasabut sa unang pahina sa pakigpulong.

Mamumulong	Istorya
Neil L. Andersen	(65) Human sa pagkamatay sa ilang mama, usa ka batan-ong lalaki ug iyang mga igsoon napanalanginan sa pinansyal nga paagi human nga ang batan-ong lalaki midawat sa tawag nga moserbisyo og full-time nga misyon. Pinaagi sa hugot nga pagtuo kang Jesukristo, ang duha ka managsoong lalaki nakakita og kalig-on nga magpadayon human namatay ang ilang mga ginikanan ug duha nila ka igsoon sa pagkahagsa sa eroplano.
Koichi Aoyagi	(126) Samtang nakig-istorya sa usa ka lider sa Simbahan, si Koichi Aoyagi nakaangkon og mas klaro nga panabut pinaagi sa Espiritu Santo mahitungod sa tahas sa kalisdanan diha sa plano sa kaluwasan.
David A. Bednar	(128) Si David A. Bednar nakakat-on gikan ni Elder Robert D. Hales nga kon dili na ninyo mabuhat ang kasagaran ninyong ginabuhat, buhata lamang ang labing importante.
Randall K. Bennett	(69) Ang kinamanghurang apo ni Randall K. Bennett nagkatumba-tumba samtang nagkat-on sa paglakaw apan naningkamot sa pagpadayon uban sa pagdasig sa iyang mga ginikanan. Duha ka Russian nga mga Santos sa Ulahing mga Adlaw kinsa naaghat nga mopakigbahin sa ebanghelyo sa usag usa kanila nagkaminyoay sa templo.
Kim B. Clark	(124) Nadasig pinaagi sa tingog sa Espiritu, ang mga ginikanan ni Kim B. Clark midawat sa tawag nga magmisyon sa Pilipinas.
Quentin L. Cook	(39) Isip usa ka batan-ong misyonaryo, si Quentin L. Cook nakakat-on kon unsay ipasabut sa “sama sa barko ug sama sa usa ka Bristol.” Si Quentin L. Cook miapil sa usa ka Jewish Shabbat.
Henry B. Eyring	(80) Usa ka gulangon nga sister nagpasalamat sa usa ka deacon nga mipaambit kaniya sa sakrament. Pinaagi sa mga paningkamot sa usa ka presidente sa elders quorum, ang Ginoo mitandog sa kasingkasing sa pipila ka dili kaayo aktibong mga prospective elder. Ang apohan sa tuhod ni Henry B. Eyring nalipay nga gibantayan siya ug gidasig sa Ginoo atol sa usa ka lisud nga misyon. (104) Ang Espiritu Santo mitultol sa amahan ni Henry B. Eyring ngadto sa usa ka sakrament miting sa Australia. Human sa kamatayon sa iyang asawa, ang amahan ni Henry B. Eyring nahupay pinaagi sa Espiritu Santo.
Bradley D. Foster	(50) Si Anne Sullivan mitabang sa bungol ug buta nga si Helen Keller sa pagkat-on og basa. Si Bradley D. Foster mibati sa kadinalian sa pagtabang sa iyang mga anak ug apo nga masabtan ang mga kamatuoran sa ebanghelyo human sa iyang pag-interbyu og usa ka takus nga propective missionary.
Allen D. Haynie	(121) Sa bata pa siya human sa pagdula sa lapukong lungag, si Allen D. Haynie wala pasudla sa balay hangtud nga napasiritan siya og tubig sa iyang lola aron malimpyo.
Jeffrey R. Holland	(47) Usa ka himatyon nga dili kaayo aktibo nga miyembro sa Simbahan nahadlok nga mobarug sa atubangan sa iyang inahan sa laing kinabuhi. Usa ka mapahinungurong inahan mitabang sa iyang anak nga makabalik sa Simbahan. Si Lisa Tuttle Pieper mitabang sa iyang anak nga babaye nga moapil sa Singgit nga Hosanna.
Von G. Keetch	(115) Ang mga surfer nga wala ganahi sa ali nga gitukod sa agianan padulong sa baybay sa Australia nakakat-on nga ang mga ali nanalipud nila sa mga iho.
Larry R. Lawrence	(33) Si Larry R. Lawrence mihatag og pipila ka ehemplo kon sa unsang paagi ang Espiritu Santo mohatag og “haum nga tambag” sa pagtabang sa mga tawo nga molambo.
Neill F. Marriott	(30) Human sa pag-ampo ug pagpangita sa Dios sulod sa 10 ka tuig, si Neill F. Marriott nakakaplag ug mihangop sa Simbahan. Ang pamilya ni Sister Marriott migamit sa hugot nga pagtuo nga ikauban nila og puyo sa kahangturan ang ilang anak nga babaye kinsa namatay human sa usa ka aksidente sa bisikleta.
James B. Martino	(58) Si James B. Martino mihukom nga magpabunyag human sa tinuoray nga pagtuon ug pag-ampo mahitungod sa Basahon ni Mormon.
Richard J. Maynes	(27) Si Elder Taiichi Aoba mitudlo sa mga kabatan-onan nga ibutang sa sentro ang ilang lapok sa nagtuyok nga hulmahan. Si Nancy Maynes nakadiskubre sa tinuod nga kalipay dihang iyang nakaplagan ug gisunod ang ebanghelyo ni Jesukristo.
Carol F. McConkie	(12) Usa ka 102 anyos nga sister miingon nga siya nakaangkon sa iyang Young Womanhood Recognition pinaagi sa matag adlaw nga paghinulsol.
Thomas S. Monson	(83) Human sa paghinulsol ug makabalik sa Simbahan, ang usa ka babaye ug ang iyang bana nakakaplag og kalinaw ug paglaum pinaagi sa ebanghelyo ni Jesukristo. (86) Usa ka opisyal nga Israeli natingala bahin sa kahayag nga naa sa mga mata sa mga Santos sa Ulahing mga Adlaw nga mitambong sa BYU Jerusalem Center.
Hugo Montoya	(53) Usa ka pahiyom gikan ni Presidente Russell M. Nelson nagdala og kalinaw kang Hugo Montoya human siya gitawag ngadto sa Seventy.
Russell M. Nelson	(95) Isip usa ka batan-on, nawad-an og kadasig nga doktor sa kasingkasing, si Russell M. Nelson mibalik sa trabaho ug nagpasalamat sa panan-awon, gugma, ug pagdasig sa iyang asawa. Ang dinasig nga komentaryo sa Primary president sa stake miusab sa direksyon sa usa ka miting sa stake council.
Linda S. Reeves	(9) Human madungog ang usa ka higala nga misugilon sa pipila sa iyang mga hagit, si Linda S. Reeves nagsubo alang niadtong napasakitan sa uban.
Dale G. Renlund	(93) Human si Dale G. Renlund gitawag sa pagka-bishop, gisultihan siya sa iyang igsoong lalaki nga ang Ginoo mitawag niya alang sa unsay Iyang gikinahanglan nga mabuhat pinaagi kaniya. Ang mga ginikanan sa usa ka batan-ong lalaki kinsa namatay sa sakit sa kasingkasing mihupay ni Dale G. Renlund.
Gregory A. Schwitzer	(98) Si Gregory A. Schwitzer mitabang sa iyang apo nga lalaki nga mobati sa huni [melody] ug mensahe sa usa ka himno nga iyang gipraktis sa piano.
Vern P. Stanfill	(55) Pinaagi sa pagsalig sa tiningub nga kahayag sa usa ka grupo sa mga tigbisikleta tadlas sa ngiub nga tunnel, gibuntog ni Vern P. Stanfill ang iyang kabalaka.
Carole M. Stephens	(118) Si Carole M. Stephens migamit og gugma sa pag-awhag sa iyang apo nga babaye nga magpuyo sa lingkuranan sa iyang sakyanan.
Gary E. Stevenson	(91) Human sa iyang pagkatawag isip usa ka Apostol, si Gary E. Stevenson ug ang iyang asawa, si Lesa, nakakita nga ang ilang pagsalig anaa sa hugot nga pagtuo ngadto kang Jesukristo ug sa kahibalo sa plano sa kaluwasan.
Dieter F. Uchtdorf	(15) Usa ka 11 anyos nga batang babaye nakakat-on gikan sa iyang iyaan nga ang paghigugma sa Dios ug sa Iyang mga anak mao ang mahinungdanong paagi sa kalipay. (20) Usa ka magtutudlo sa Relief Society nagtukaw sa tibuok gabii aron mahimo ang habol alang sa usa ka leksyon mahitungod sa simplification [Ipasayon]. (76) Si Dieter F. Uchtdorf natingala ug nasubo sa pagkadungog nga ang usa ka naghupot sa Aaronic Priesthood mipalayo sa Dios.
Rosemary M. Wixom	(6) Ang Langitnong Amahan mitubag sa pag-ampo sa usa ka batan-ong babaye aron masayud nga Siya nahigugma kaniya. Ang hapit na lunusi nga tawo gikan sa Ethiopia nabalaka sa kahimtang sa nailo nga bata.