Majibu kutoka kwa Mtume

Je, Mitume hufanya nini?

Na Mzee David A. Bednar

Wa Akidi ya Mitume Kumi na Wawili

Kutoka kwa Mzee na Dada Bednar wakati wa Matangazo yao ya Uso kwa Uso Kote Ulimwenguni.

Mitume ni watumishi wa Bwana. Wao husafiri kwenda kuwatembelea waumini wa Kanisa kote duniani.

Mara ya kwanza niliposafiri kama Mtume, nilikutana na bwana ambaye alikuwa na wakati mgumu kutii Neno la Hekima. Nilimwambia, “Bwana alinituma hapa kukupa ujumbe rahisi sana: ‘Unaweza kufanya hivi. Ninakuahidi utapata msaada Wake unapokabiliwa na changamoto hii.’”

Kuna uwezekano wa Bwana kutuma mmoja wa Mitume Kumi na Wawili nusu ya mzunguko wa dunia ili kumsaidia tu mtu mmoja? Jibu ni ndio. Yeye hufanya hivyo wakati wote.

Mtume ni nini?

Wakati ambapo Yesu alikuwa duniani, aliwaita wanaume 12 kuwa wasaidizi wake maalumu. Waliitwa Mitume. Amewaita Mitume kuwa wasaidizi wake maalum leo. Wao hutoa ushuhuda kuhusu Yesu Kristo kote duniani. Mzee Bednar ni Mtume.