Faatupulaia le Ekalesia i Aferika

Ua faaauau ona faatupulaia le Ekalesia i Aferika i le matua malosi lava mo le 30 tausaga ua mavae. I le amataga o le 2016, sa 1,600 ia faapotopotoga a le AAG i Aferika, ma le silia ma le afa miliona o tagata o le Ekalesia—ua faa 11 le sili atu o uarota ma paranesi ma e faa 20 le sili atu o tagata iina nai lo le 1985.

I le 2015 na fatuina ai e le Ekalesia ni siteki fou e 17 i Aferika atoa.

Ua faatatauina e taitai le tuputupu ae, a itiiti i se vaega, i le taulai atu o le talalelei i aiga. O João Castenheira, o se peresitene o le siteki i Maputo, Mozambique, na fai mai, “O loo saili tagata mo se ekalesia e aumaia ia i latou le fiafia, ma e aumaia e le talalelei toefuataiina a Keriso le fiafia i aiga.”

“Ou te matuai lagona o le taimi lenei o Aferika,” o le tala lea a Elder Edward Dube o le Fitugafulu, o se tagatanuu o Zimbabwe. “O loo i ai le aao o le Alii i le konetineta.”