Faia o Mea Lelei i le Lalolagi Atoa

Sa faaauau pea ona mulimuli le Au Paia o Aso e Gata Ai i le faataitaiga a le Faaola i le “femaliuai ma agalelei” (Galuega 10:38). O nisi nei o faataitaiga lata mai.

I Abu Dhabi, United Arab Emirates, sa faapotopoto faatasi ai tagata o le Ekalesia ma paaga mai atunuu e iva i Sasae Tutotonu—tagatanuu o konetineta e ono—mo se konafesi ma se galuega faatino fesoasoani alofa mo ekalesia eseese. Sa latou faapotopoto ma tufatufaina atu pusa faasoifua maloloina ma afifi o meaai e 8,500.

I Uganda, e toalua fomai nifo ma tagata e faia aoaoga mo le tausiga o nifo e toatolu, o ni Au Paia uma o Aso e Gata Ai, sa faaaluina le vaiaso i le faatumuina o nifo ua aafia, sei ma faamama nifo, aoao atu ia auala lelei o le tausiga o nifo, ma aoaoina fomai nifo ma tagata aoga faafomai nifo i le lotoifale i auala sili e faatino ai.

I Meleisia, sa taulai atu tagata o le Ekalesia i le aiga i le taimi o le faamanatuina o le Tausaga Fou a Saina, o se gaoioiga e masani lava ona aofia ai le asiasi atu i tuugamau ia manatua ai, faamamaluina, ma faatauaina ai ia tuaa.

I Taialani, o tagata o le ekalesia e i vaitausaga o le 18 i le 35 sa faapotopoto i Bangkok mo se tauvaga kuka ma se galuega auauna atu faatino.

I Fiti, sa tuuina atu e tagata o le ekalesia ma faifeautalai taumafaiga fesoasoani i tagata na aafia i le Afa Fulifao o Winston. Na galulue faatasi taitai o le Ekalesia ma faalapotopotoga faalemalo ma lē faa-faalemalo e tuuina atu meaai, vai, faleie, pusa faasoifua maloloina, ma isi sapalai mo faalavelave faafuasei.