Toe Mamanuina le Vaega o le Konafesi o le LDS.org

O le a sili atu nei ona faigofie le sailia ma le suesueina o saunoaga o le konafesi aoao nai lo se isi lava taimi muamua, faafetai ai i le toemamanuina o le vaega o le konafesi aoao o le LDS.org. O ia vaega e aofia ai:

Le vave faailoaina o tuatusi o loo manaomia, ma ata o failauga taitasi e sosoo ma le autu o le saunoaga.
Se pa o le faatautaiga e tasi i luga o itulau uma, ma faatagaina le (1) mauaina o konafesi aoao uma mai le 1971 i le taimi nei, (2) o le tomai e saili ai e ala i le suafa o le failauga, ma le (3) o le tomai e saili ai mo lauga e tusa ai ma autu o le talalelei.
O le faafaigofieina o aoaoga o saunoaga a tagata taitasi, faaaofiaina o aikona i le pito i luga o le itulau mo i latou o e e mananao e faalogo, sii mai, lolomi, pe faasoa atu.

E fetaui lelei le mamanu fou ma komepiuta i luga o laulau, komepiuta feaveai, ma tagata e faaaogaina masini feaveai. O nei suiga ua uma ona tuufaatasia i le gagana Peretania, Sipaniolo, ma le Potukale, ma o le a faaavanoa atu i le silia ma le 80 gagana i masina a sau.