Burabeti ao Abotoro a Taetae ni Boong aikai
Bubuti ibukin Inaomatan te Aro
Nakon news.lds.org ibukin rongorongon riki te Ekaretia ao bwaai aika a riki.
Aomata n aba nako a riai ni kaai ni mwakuri ni karikirakea inaomatan aaro, taan kairiiri n te Ekaretia a kaokiokia n taekinna.
“Kaain te Ekaretia a ukoukora karaoan te namakin n iraorao ibuakoia aomata n aaro ni kabane n te onimaki, botoniango man te tua, ao ibukiia reeti n aomata nako,” e taku Beretitenti Dieter F. Uchtdorf, te Kauoman ni Kauntira n te Moan Beretitentii, n te John A. Widtsoe Religious Symposium n te Iuniwetiri ae Southern California i Los Angeles, California, USA, n Eberi 2015.
“Te konabwai ni katoki katei n nanououa ao ngurengure ibukin baika akea bonganaia ao n noora raoi temanna ma temanna ma matara aika boou—n taraira i bon imarenara bwa tiaki ianena ke taan kakaitara ma raao aika taan mwamwananga, taari mwaane ao aine, ao natin te Atua—teuana mai buakon te kakaewenako ae rang kakawaki inanon naba te tai anne taneiai aika a kanuanganaki ao ni kaunganano ibukin rikira n aomata,” e taku Beretitenti Uchtdorf. Ana bwai bon teuana te bubuti ibukin te karinerine ao te atatai are e moantaai ni karaoaki mairouia burabeti ao abotoro.
“E na riai n akea te kakauntaeka imarenan aaro ao te tautaeka,” e taku Unimwaane Dallin H. Oaks man te Kooram n Abotoro n te Tengaun ma Uoman n aia Bowi/Mataniwi n Aaro n te Maungatabu n Taromauri B’nai Iteraera i Sacramento, California, USA, n Okitobwa 2015. “Ti bane ni bua ngkana iai namakinan te un ke anua ni kakaiun ke tabarara,” e taku.
“Te tautaeka ma ana tua a kona ni katauraoa te kamanomano ibukiia taan kakoaua ao bootaki n aro ma aia waaki ni kakukurei,” e taku, ni kaotia bwa reirein aaro, taian angareirei, ao bootaki “a kona ni buoka ni karekea te nakoraoi ike tua ibukin te botanaomata ao ana bootaki n reirei te tautaeka ma ana aomata a kona ni maiuraoi,” n te aro bwa aomata a kona ni “maeka ni kabane inanon te kukurei, te nikoraoi, ao te rau.”
Unimwaane Oaks e maroroakina naba taekan inaomatan te aro n te ikotaki ni bowi i Argentina (taraa “Rongorongon te Ekaretia,” Riaona, Tianuare 2016, 16).
Unimwaane Jeffrey R. Holland man te Kooram n Abotoro n te Tengaun ma Uoman e maroro ma Kaain te Tautaeka ni Kabane iaon Aba Ianena n aia Auti Uea i London, Engiran, n Tuun 2015. “Man te bubuti nakon teuana te kainibaire ae e onoti,” e taku, “aro ao bootaki n aaro iai aia konabwai ae onoti ni kaungaia aomata ao, n te tai naba ae tii teuana, a mwanei raoi anua ni kabwarabure, n raoiakina, ao te tatauraoi ni manga keiaki riki ni katamaroai maiuia aika a onoti ao ibuakoia aomata.”
“Inaomatan te aro bon kiingin te rau n te aonaaba ma kakabo rabakau aika mwaiti,” Unimwaane D. Todd Christofferson man te Korram n Abotoro n te Tengaun ma Uoman e taekina aei n te bootaki n aro i Brazil Mosque i São Paulo, Brazil, i Eberi 2015. E taetae ni Portuguese nakoia taan ongora n raonaki ma kaain te Muslims, Katorika, Itibong, Iutaia, Evangelicals, Aomata aika a Itiaki, kaain te aba aika a taua te aro, aomata ake akea aia aaro, ao tabeman, n tain bukamaruan ana boutoka ae korakora te aro ibukin inaomata aaro. “Ti bia karekea te raoi,” e taku, “man te kaai ni mwakuri ni katana ao ni kamanoa inaomataia aomata ni kabane bwa a bia kakoaua ao ni kaota te aro ke aia koaua ibukin aia rinerine, ngkana temanna n onoti ke n te kaawa ma aomata, n te mweenga ke itinaniku, ibuakon te botanaomata ke n ae e onoti, ao inanon te taromauri, n irakin te tua, ni maiuakinana, ao n te angareirei.”
Aomata aika a onimaki a riai ni kairiiri n te aro bwa a aonga ni katana inaomataia aaro—te inaomata ake a roko mai iai inaomata riki tabeua aika a kakawaki,” e taku Unimwaane Quentin L. Cook man te Kooram n Abotoro n te Tengaun ma Uoman ngkai e tibwa te Reirei n Inaomataia Aaro ni Katoa Ririki i Notre Dame Aotiteria i Sydney, Aotiteria, ni Meei 2015. “Ti na aki tii kamanoa ara konabwai n tataekina oin ara aro ma ni kamanoa naba inaomataia aaro nako ni waakin oin aia reirei ao aia tua,” e taku.
Unimwaane Ronald A. Rasband man te Kooram n Abotoro n te Tengaun ma Uoman e beku bwa te Tinia Beretitenti n te Itingaun ngke e taetae nakoia ataein te reirei i Brigham Young Iuniwetiri i Provo, Utah, USA, n Tebetembwa 2015.
Tabeman ibuakoia am roro a miimi bukin tera kurubu n aaro a irekereke ma te tua n te moan tai, ao n angin te tai a nanououa n te bwai are a karaoia aomata aika a taua te aro ngke a bon irekereke naba ma te tua,” e taku. Reitakin bwanaaia kurubu n aomata ake a namakinna bwa te aro e riai n akea tabena ni baike a iangoaki baireakia n te tua e rikirake ni korakora n ririki aika a tibwa nako, ni karikirakea te “kaangaanga ni katea teuana riki te kiraati ni bwainikirinaki: aomata aika a onimaki, n ai arom ao ngai.”
E tuangiia ataein te reirei Unimwaane Rasband bwa te aonaaba e kainnanoa te reitaki ae kakamwakuri man aia roro iaon atuun te marooro aei. “Ti kainnanoa oin aia atatai am roro n te nanoanga, te karinerine, ao te booraoi. Ti kainanoa am tetekeraoi ao am nanomatoa ni mwakuri rinanon marooroakinan kaangaanga aikai.” Te kaeka, e taku, bon moanakina man ana tua te Tia Kamaiu “ba kam na itangitangiri; n ai arou ngke I tangiringkami” (Ioane 13:34).