Bukin tera te Atua e anganiira te namakin ae moantaai ni kabotauaki nakon te tai inanon maiura ngkana mare e a tau?

Namakin ni kaitataan, bon ngaia anne, a bon aki buakaka, n te aro are e kaitara ma e riki bwa oin te mare are akea tokina. Ma bukin tera ti karekei namakin aikai inanon ririki aika a mwaiti imwain ae ti kona ni kabonganai?

Eng, te maiu aei bon te tai ni kataaki n te ongeaba, ao tuan te itiaki bon teuana mai ibuakon tua aika a kakaawaki aika tina ongeaba nako iai. Te kataaki e korakora riki rokona imwiin rikira n roronga ke n ataeinnaine, ngkana bibitakin rabwatara e tuangiira, “Nako, nako, nako,” ma Otan Kristo ao te Tamnei ae Raoiroi (n ai aron naba koroboki aika tabu, burabeti, kaaro, ao mataniwi) a tuangiira, “Tataninga, tataninga, tataninga.” Ngkai ti ongotaeka nakon kauouan rongorongo aikai (n booki aika tabu, te naan burabeti, ara karo, ao taan kairiiri n te Ekaretia), ti kamatoa arora n tau ao ni kaota arora n ikawai ao booakira n te aro n rabwata “kakaraoan inaomatara n rinerine are teimatoa n rinea ae eti ibukina bwa e bon eti, riki ngkana e a matoatoa ” (D. Todd Christofferson, “Moral Discipline,” Riaona, Nobembwa 2009, 105).

Ngkai a rang mwaiti kataaki inanon maiura, aio e kamatoaira bwa ti tau nakon kakabwaia aika a korakora aika a na roko—n ikotaki ma te kabaeaki n te tembora ibukin te tai aei ao n aki toki.