Kairake n Ikawai Rongorongoia
Tiku ni Matoatoa i Buranti
Ngkai kaain te Ekaretia n te taanga ni buaka i Buranti, Pierre e teimatoa n tataro ao ni kamatebwai koroboki aika a tabu n riki bwa te banna ni katooto n ana onimaki.
E kataneiai n riki bwa te bwairati n te erekabuta bon tiaki te tibwanga ae a karerekea aomata. Ma ngke Pierre O., 24, e baireia bwa e na karin n ana Taanga ni Buaka Buranti, bon anne ae e karekea. Ngkai n ana kauoua n ririki ibukin aua te ririki ni kataneiai, Pierre e karaoa ana kabanea n tamaroa ni maiu bwa te banna ni katooto irouia taan kakoaua, n aki tarai bwaai ake n ana otabwanin.
N tiku n te tabo ae e nakon teuana te aoa ma te iterana i tinanikun Bordeaux, i meangmainikun Buranti, Pierre e raroanako ma raoraona, ana utu, ao mweengana i Reenes. Te autinibootaki ae te kabanea ni kaan bon teuana te aoa raroana, are nanona bwa e aki reke ana tai n inoonoo ma kaain te aro inanon te wiiki. “E bon aki beebete kainakin te Ekaretia inanon te taanga ni buaka,” e taku Pierre, “ibukina bwa e mwaiti kariiri ao te taanga ni buaka ao te Ekaretia bon kaaitaraana. Ko kataaki n tainako n te taanga ni buaka tiaki iaon te bwai are ko karaoia ma iaon are antai ngkoe.” Pierre e tangiriia naake irarikina bwa a na nooria bwa e aki momooi manging, ni momoko, noori tamnei aika tangako, ke iriiri bukamaru—ake a ataaki, i kakukurei n te taanga ni buaka—ibukina bwa antai ngaia: bon kaain te Ekaretia. Ngkai e ikakorakora ni karekea karineana irouia naake irarikina, te tataro ao kamatebwaian koroboki aika a tabu e buokia ni kateimatoa korakoran ana koaua. “I kataia n aki matu ngkana I tuai moa wareki booki aika a tabu,” e kabwarabwara, “ao I kataia n tataro n te tai are I kona iai.”
“Warekan koroboki aika a tabu a rang ibuobuoki nakoiu inanon au tai n reirei n ataia bwa e maiu te Atua, ao E memena ikekei—n aki rang atatai raoi ni bwaninin te euangkerio,” e kabwarabwara Pierre. “I tii ataia bwa e mena ikekei te Atua, ao anne are e buokai n tiku iaon te kawai ae eti.”
Aan kamatebwaian koroboki aika a tabu e kateimatoa Pierre rinanon ana tai n reirei ni kabane ao bon ngkai naba rinanon ana kataneiai n te taanga ni buaka. Imwaain kaainakina, Pierre e karaoa ana mwakuri ni mitinare i Montreal, Quebec, Canada, are e a kamatoaki iai ana kakoaua ao otana n te euangkerio.
“Koroboki aika a tabu bon teuana te kawai ae kona iai te Tama are i Karawa ni kaekaira,” e taku.
Rinanon ana tataro ni katoabong ao kamatebwaian koroboki aika a tabu, Pierre e aki tii kona ni karekea te ungannano ma e riki naba bwa te banna ni katooto nakoia kaain ana iunite n te taanga ni buaka. Ngkai ngaia ma raona n reirei akea riki te bwai ae a katitebooaki iai irarikin aia kamoamoa n tei ibukin abaia, Pierre e ataia bwa irakin reirei man koroboki aika a tabu, e na riki ngaia bwa temanna ae e kona ni karinea ibukin ana koaua ao tiaki n aki taraa ana koaua.