Ni Karokoa Ae Ti A Manga Kaitiboaki
Tamnei aika Kakamaaku n Aroia Korokorotairo
“I aki kakoauako,” I taku. “Akea korokorotairo ikekei.”
Image © iStock/Thinkstock
I tangiria n taai nako ni kan nako Africa n noori maan, ao n tokina e reke te tai anne. …
Ti tei n te nei ike e ananaaki iai te ran ao are a momoi iai maan. E rangin ni bwatakataka te tai anne ao e aki tau te ran, ti taabo aika bokaboka. Ngkana a rin erebwanti inanon te bokaboka e na rin te ran inanon mwanekana ao ana mooi maan man kawain te erebwanti.
Te man ae te antelope, n angiin te tai, a na nako nanoia. A na nakon bwangabwangan te bokaboka, ti n rairaki ao ni birinako ma te maaku ae korakora. I kona n noria ae akea raian n nakonako ao n titirakina te tia tararua bwa bukin tera aki mooi. Ana kaeka, aio mwakoron te karaki ae kakawaki, bon te “Korokorotairo.”
I ataia ae na bae ni manikangare ao n titirakinna n aki manikangare, “Tera te kangaanga?” Te kaeka riki “Korokorotairo.”
“I aki kakoauako,” I taku. “Akea korokorotairo ikekei.” …
E kona n ataia ae I aki kakoaua ao ni korakora nanona, n au iango, n reireinai bon irou. Ti butinako nakon te tabo teuana ike e mena iai te kaa ietan te bwangabwanga ae bokaboka are ti kona iai n tarataraa naano. “Ikekei,” e taku. “Nooria bon ibukim.”
Akea te bwai ae I nooria bwa ti te bokaboka, teutana te ran, ao maan aika a maaku n te tabo ae raroa. Ngkanne n te tai ae ti teuana ao I noria!—te korokorotairo ae bubura, ni maeka inanon te bokaboka, n tataninga te man ae aki kantaningaki n rangin n taka n roko ibukin nimana. …
Te tia kaneweaba e akoi riki nakon are I kantaningaia. Te kakaewenako nakoiu “n au-kan wanawana-riki” nakon ana moan rongorongo, “korokorotairo” e na bae ni uota te kakao, “Eng, naako ikekei ni kakaea bon iroum!”
I kona n noria bon irou ae akea taian korokorotairo. I kakoaua ae n na bae n nako n ti nora te bwai are ikekei. Te aeka ni katei ni kakakan tia bwai anne e kona ni kamamate! Ma e rangin n taotaonaki n nano n reireinai.
Raoraou aika kairake, I taku bwa kam na wanawana riki n taetae nakoia aomata aika kataia ni buoki ngkami rinanon te maiu. Te kainikatonga ao n aki karinerine are I ataia bwa aki kaota te moti ae tamaroa ibukiu, ke ni kaotia naba ibukimi. I karautaeka n aron katei n te tai anne, ma I taku bwa N na maama n tuangko ma ti N na tuangko ae na kona ni buokiko.
Naake a ikawai riki nakoim, a tia, tabeman aika a tia n rinanon bwaai inanon te maiu a kauringiko ibukin bwaai aika a kakamaaku aika ko kona ni kaitara ma ngaai. Tiaki ti te beru ae bubura, ni kureei are e kona n tenaiko, ma kanganga n tamnei aika a kakamaaku n aroia korokorotairo, aika a rangin ni kakamaaku, ao n rangin n anainano ao n aki rangin ni kona n noraki, riki, nakoia korokorotairon Africa aika bobotaki.
A kona korokorotairo aikai ni kamateko ke ni kamaraka tamneim. A kona n urua aron kukurein am iango ao aia iango tabeman aika a tangiriko. Aikanne aika ana riai n tarataraaki, ao kaanga ai akea riki n te aonaaba aei ngkai are aki kainaki irouia. …
Te bwai ae kakukurei bwa iai kairi aika tau n te maiu aei n totokoi rikin bwaai aikai ngkana iai nanora ni butimwaea te reirei n tainako.