Iteran Kawaina te Tembora ni katobibia te Aonaaba

Robin Estabrooks, Virginia, USA

N au katebwi tabun ririki I kaina te Ekaretia n akean aia kariaia au utu. Ngke I roko N au ka 20 n ririki, I a mwakuriia rongorongoia au utu imwin motirawan au karo. Ni waekoa imwiina, I a riki bwa te tina ae tabetabe n tabeakiniia natiu, ao mwakurian rongorongon te utu e a toki moa.

Ibukina akea au utu n te Ekaretia, I karekea tangiran te kakae ae korakora ni ukora rongorongon au utu. I tangiria ni karaoia ao I rang ni kaman karekea au tai riki ni mwakuri iaona.

Ngke I roko n au ka 33 n ririki, e a bitaki maiu n te aro ae I aki kantaningaia bwa e a keerikaaki marurungiu. N te taina e reke au tai n nakonako ma au utu, te nakonako ni katobibia te naan auti aika kanganga aron kawaraia. Kaitiakan te auti ni katoa uoua te aoa n te Kaonobong e kanganga, ao I kukurei ngkana I kona n ti waekuim. N aron are rimoa a mwaiti raraou ni katobibiai, ngkai raraou ake a katobibiai a totoko ibukina I aki kona ni mena irarikiia n arou ngkoa.

Aio te tai are I a manga moanna iai karaoan rongorongon au utu. Natiu te aine e moana ana kakae iaon rikin tamana ao te tairiki teuana e a tia te mwakuri are anganai teuana te ririki ni karaoia. I katiai tabeua rooro man au itera ao uotirakei araia nakon mwakuriaia ni katiaaki n te tembora. I rang ni kan roko n taainako inanon te tembora ibukiia kain au utu, ma marurungiu ao raroan te tembora e a tuuka karaoana.

Imwin uotakirakean araia, I moanna n tang, ti tebo I namakina uotakiia rikaaki kain au utu ngkai I aki mena ikekei ma ngaiia n te bong ae onoti ni karaoan te otenanti ibukiia. Te wiiki imwina ngke I toka iaon te FamilySearch.org ni tuoi mwiin mwakuriaia n te tembora, I noora te bwai ae kamimi. Tiaki ti te mwakuri ae a tia ni karaoaki, ma kain te aro i Accra Ghana tembora a karaoi mwakuri! I rang mimi n nooria kain te aro ni katobibiia iteran te aonaaba ni katiai mwakurin te tembora ibukiia au utu ae karako. I rootaki n tang riki ngkana iiangoa aron aia anganano kain Ghana ngke a karekei angaia n roko n te tembora ibukiia au utu. I rang kukurei ibukiia kain te aro n te aono i Accra Ghana Tembora ake a karaoi bwaai ake I aki kona ni karaoia: rokoia n te tembora ao n anganakiia au utu kakabwaiakiia man otenanti n te tembora.