Bukin tera aki riki kakai n taai aikai n aron are a riki n ana tai Kristo?

Jesus Christ

Ana kakai te Tia Kamaiu bon “mwakuri mai karawa” ai aron naba “mwakoron reirei mai karawa” (Bible Dictionary, “Miracles”). Katoki aoraki ao kakai tabeua a teimatoa n riki n te Ekaretia ni bong aikai, e ngae ngke aki rang kamimi ao aki bati n tataekinaki nakon te botanaomata bukina bwa naake a rinanona a iangoia bwa e tabu. Ko na bae ni kan noori kakai inanon maium ke ni maiuiia am utu ke am bakatibu. E ngae ngke ti kainnanoi kakai, ti riai n uringnga bwa Tamara are i Karawa e kaeka n Oin Ana tai ni bon Ana kawai.

Kakai a riki bwa mwakoron ana euangkerio Iesu Kristo. Bon taian kanikina bwa te onimaki iaon te aba (tara Ita 12:12), ao bon ana bwaintangira te Tamnei (tara D&C 46:21).