Mga Bata Kinsa Nagbarug nga Masaligon
Usa ka Istorya bahin ni Story
Hello, mga higala!
Akong ngalan mao si Story. Nagpuyo ko sa Turkmenistan. Usa kana ka nasud sa Central Asia. Ganahan ko nga magbasa, magdrowing, ug manahi. Ganahan ko nga magtan-aw sa mga bitoon uban sa akong papa. Ang akong pamilya ug ako mao lang ang mga miyembro sa Simbahan sa tibuok nasud!
Nag-ampo alang ni Missy
Usa ka adlaw human sa dakong unos, ang iring sa akong higala, si Missy, nawala. Gipangita namo bisan asa, pero wala namo siya makit-i. Miingon ko nga mahimo kaming mag-ampo. Dili sigurado ang akong mga higala kon unsaon, mao nga ako silang gipakita. Miluhod kaming tanan ug kada usa militok sa among kaugalingong pag-ampo. Unya namarug mi ug misugod na usab sa pagpangita. Usa ka batang babaye ang midagan paingon namo ug miingon nga nakit-an niya si Missy! Malipayon ko nga akong napakigbahin ang parte sa ebanghelyo ngadto sa akong mga higala.
Nagkat-on gikan sa Usag Usa
Ang akong igsoong babaye, si Sariah, ug ako mieskwela uban sa mga bata gikan sa daghang nasud. Ganahan kaming makakat-on gikan sa usag usa ug maglingaw-lingaw.
Mga butang ug kalingawan
Si Sariah ug ako midapit sa among mga higala aron magdula. Nag-paint mi, naghimo og mga butang, ug dunay mga piknik. Atol sa Pasko duna mi pasundayag uban sa among mga higala sa kasilinganan.
Manimba diha sa Panimalay
Tungod kay kami lang ang mga miyembro sa Simbahan, manimba mi diha sa among balay. Duna mi sakrament miting, panahon sa pagkanta, panahon sa pagpakigbahin, ug mga leksyon sa Primary. Ako ang mitugtug sa piano alang sa panahon sa pagkanta.