Autalavou
Tatalo mo le Filemu
E alala le tusitala i Arisona, ISA.
E masani ona auai atu o’u matua i fonotaga pe a tuua le lotu, ma o a’u e vaaia o’u tuagane laiti e toatolu ma fesoasoani e fai se latou meaai o le aoauli—e ui ina sa masani ona faalilii gofie ma fiaaai. E masani lava a amata ona tauaimisa, e mafai lava ona ou vave foia se tama’i faafitauli. Ae o nisi taimi sa faigata ai ona fai se faaleleiga pe a amata se tauaimisaga ona ua ou atuatuvale.
I se tasi aoauli, sa faapitoa le faigata i o’u tuagane ona latou fegalegaleai faalelei. Na ou iloaina, o a’u taumafaiga e faafilemu sa na ona atili leaga ai ona na ou le fiafia. O lea na fai ai la’u lava meaai ma ou le toe tautala ai. Mulimuli ane, sa ou faasilasila atu “O le a ou faia le lotu. E mafai ona tatou fifilemu mo se minute?” O le taimi lava na fifilemu ai, ona ou faia loa lea o le tatalo o meaai. Ae ou te le’i faaumaina le tatalo, sa ou faaopoopo i ai, “Ma faamolemole fesoasoani mai ia avea i matou ma e faatupu le filemu.”
I le taimi muamua, na foliga mai latou te le’i lagonaina ma toe amata ai ona tauaimisa. Na fai si o’u ita, ae na ou iloa na tatau ona ou agalelei ma to’amalie i se mafai ou te mafaia ai, aua o lea na faatoa uma lava ona ou tatalo mo le filemu. Ina ua mavae se minute, na faapea ona ou lagonaina le matuai toafimalie. Na ou e aunoa ma sa’u tala na fai, ma na iu lava ina tuu le tauaimisa o le aualii. Na ou iloaina o le filemu na ou lagonaina, o se tali lea i se tatalo faatauvaa. Na ou tatalo ia avea ma se tagata faatupu filemu, ma na fesoasoani mai lo’u Tama Faalelagi ia ou to’afimalie i se taimi sa matuai faaosoosoina ai au ia ee. Ou te iloa e mafai ona Ia aumaia moni ia i tatou le filemu.