O Tamaiti Agaalofa
Faasoa Atu o le Alofa i Uo
Talofa! O lo’u igoa o Retalina. Ou te nofo i le motu o Weno i le Vasa Pasefika. O se tasi o atumotu e tele i le Taitafola o Chuuk. E faaali atu lo’u alofa i a’u uo e ala i le sisiva ma i latou, pepese ma i latou, ma valaaulia i latou i le lotu.
Pese o le Alofa
Matou te fiafia ma a’u uo matou te pepese faatasi. O pese ou te fiafia lava i ai o le “O Le Agalelei e Amata ia te A’u,” “O A’u o se Atalii o le Atua,” ma le “Ou te Fia Vaai i le Malumalu.” Ou te alofa i lo’u aiga, ma ou te fia alu i le malumalu e faamau faatasi ai ma i latou.
Valaaulia o A’u Uo
Ou te valaaulia a’u uo o Temina ma Sina i le lotu, ma o nisi taimi matou te o faatasi ai. Ou te faamoemoe o le a papatisoina i laua i se aso.
O Se Siva e faatatau i Uo
O loo matou aoaoina ma a’u uo le siva palei mai ia Sister Hardy, o se tasi o faifeau faamisiona. O loo matou aoaoina se palei e uiga i se teineitiiti e igoa ia Lili, o le na leiloa i se motu ma manaomia ai ana uo e faailoa atu ia te ia le auala.
Asiasi Atu i O’u Tausoga
Ou te alofa i o’u tausoga. Ou te alu i le vaa e asi i latou i le motu o Romaname. E ave e le tamaloa o lo’u aiga ma o’u tausoga le vaa. Latou te feaveaia foi faifeautalai i le va o motu.