Faafetai mo le Sapati

Peresitene Henry B. Eyring, Fesoasoani Muamua i le Au Peresitene Sili, “Lotofaafetai i le Aso Sapati,” Liahona, Nov. 2016, 100.

“Ua tatou maua le avanoa e taumamafa ai i le faamanatuga i vaiaso taitasi—saunia, faamanuia, ma tufatufaina atu e ala i auauna faatagaina a le Atua. E mafai ona tatou lotofaafetai pe a faamautu atu e le Agaga Paia ia te oe upu o le tatalo o le faamanatuga, e fofogaina e ni au perisitua faatagaina, ua faamamaluina e lo tatou Tama Faalelagi.

“… O le a tatou lagonaina le alofa sili atu ma le talisapaiaina o le Faaola, o le ana le taulaga lemafuatia ua mafai ai ona faamamaina i tatou mai le agasala. A tatou aai ma feinu i le areto ma le vai, tatou te manatuaina na mafatia o Ia mo i tatou. Ma pe a tatou lagonaina le lotofaafetai mo mea ua Ia faia mo i tatou, o le a tatou lagonaina Lona alofa mo i tatou ma lo tatou alolofa mo Ia.

“O le faamanuiaga o le alofa tatou te mauaina o le a faafaigofie atili ai mo i tatou ona tausia le poloaiga ia “manatua pea o ia’ [Moronae 4:3; 5:2; MF&F 20:77, 79]. E mafai foi ona e lagonaina le alofa ma le lotofafetai, e pei o au, mo le Agaga Paia, o le ua folafola mai e le Tama Faalelagi o le a faatasi pea ma i tatou pe a tatou tumau faamaoni i feagaiga ua tatou osia. E mafai ona tatou faitauina na faamanuiaga uma i Aso Sa uma ma lagonaina le lotofaafetai.”