Saunia mo le Malumalu i Aso Uma
Ina ua iva ou tausaga, sa i ai sou faiaoga ofoofogia o le Peraimeri e igoa ia Sister Kohler. Sa ou matamuli lava, ma sa matua agamalu o ia o lea sa ou fiafia ai e faatasi ma ia. I se tasi aso na ia tuuina mai ai ia i matou taitoatasi se fasi pepa. Sa matou taufai tusia i lalo mea na matou mananao e fai pe a matou faasolo ina matutua. Sa ou tusia: “Alu i le kolisi ma faaipoipo i le malumalu.” Sa ou faapipiiina lau pepa i luga o le faitotoa o lau kapoti. I le po, e susulu mai ai le malamalama mai le moli o le auala mai i lou faamalama. Sa ou tilotilo atu i lau fasi pepa. Na ia faamanatu maia ia te au ou te fia alu i le malumalu.
I lena taimi, sa na o le 12 malumalu i le lalolagi. Sa ou fia alu i malumalu taitasi.
Soo se taimi lava na fuafuaina ai e lou tina ma lou tama se tafaoga, sa la aveina pea lo matou aiga i le malumalu. Sa matou nonofo i Oregon, ISA. O le malumalu aupito latalata ane sa mamao ese i le 600 maila (965 km) i Cardston, Alberta, Kanata. Sa leai se ea malulu o le matou taavale. Sa matou nonofo ma lou uso ma lou tuafafine i le nofoa pito i tua. Matou te tautauina se iesolo susu i fafo o le faamalama o le taavale. Ona matou tuuina lea i o matou ua ia maua ai sina malu.
O se fiafiaga pe a matou vaaia mulimuli ane le malumalu. Ou te lei iloaina tele e uiga i mea e faia iina, ae sa foliga fiafia i taimi uma ou matua pe a o mai i fafo. Sa ou iloaina sa sili ona taua le malumalu. Sa ou iloaina o le maota o le Alii. (I le ata, o a‘u lena o loo ofu paepae.)
Ina ua atoa lou 12, sa tatau ona ou faia ni papatisoga i ni nai malumalu. Ina ua ou feiloai i lau tane i le lumanai, sa ou iloaina sa ia fiafia tele foi i le malumalu! Sa ma faaipoipo i le malumalu o Manti Iuta.
E mafai ona e saunia mo le malumalu i aso uma. Alu i le malumalu pe a e mafaia. Pai atu i ona puipui. Ina ua 11 tausaga le matua o le atalii o lou atalii o Jarret, sa ia galue i talafaasolopito o aiga i aso sa uma ma lona tama. Sa ia maua le tele o igoa o tuaa. I le taimi nei ua 12 ai ona tausaga, ua ia faia papatisoga i le malumalu mo nei tuaa!
Pe a e i ai i le malumalu, e mafai ona e savali i le mea e savali ai Iesu. O Lona maota lea. Ou te faamoemoe o le a e tatalo i aso uma mo le Tama Faalelagi e fesoasoani ia te oe e saunia e ulu atu i le malumalu ma lagona ai Lona alofa.