2017
Tautoga ma le Feagaiga o le Perisitua
April 2017

Savali a Faiaoga Asiasi

Tautoga ma le Feagaiga o le Perisitua

Ia suesue ma le agaga tatalo lenei savali ma saili ia iloa mea e faasoa atu. E faapefea e le malamalama i le faamoemoega o le Aualofa ona saunia afafine o le Atua mo faamanuiaga o le ola e faavavau?

Kansas City Missouri Temple

O le tele o lo tatou malamalama o ni uso o le tautoga ma le feagaiga o le perisitua e faatatau ia i tatou lava ia, o le tele foi lena o le a tatou opoina ai faamanuiaga ma folafolaga a le perisitua.

Na saunoa mai Elder M. Russell Ballard o le Korama a Aposetolo e Toasefululua, “O i latou uma o e ua osia feagaiga paia ma le Alii ma e faamamaluina na feagaiga o le a agavaa e maua faaaliga faaletagata lava ia, ia faamanuiaina e ala i auaunaga a agelu, e fagatua ma le Atua, e maua le atoaga o le talalelei, ma mulimuli ane, ia avea ma suli faatasi ma Iesu Keriso i mea uma o i ai a lo tatou Tama.”1

O faamanuiaga ma folafolaga o le tautoga ma le feagaiga o le perisitua e faatatau uma i alii ma tamaitai. Na saunoa mai Sister Sheri L. Dew, le fesoasoani talu ai i le au Peresitene Aoao o le Aualofa, “O le atoaga o le perisitua o loo i ai i sauniga e aupito sili ona maualuga i le maota o le Alii, e na o le tuufaatasia o se alii ma se tamaitai e mauaina ai.”2

Ua tuuina mai e Sister Linda K. Burton, le Peresitene Aoao o le Aualofa, lenei valaau, “Ou te valaaulia outou e taulotoina le tautoga ma le feagaiga o le perisitua, lea e mafai ona maua i le Mataupu Faavae ma Feagaiga 84: 33–44. E ala i le faia o lena mea, ou te folafola atu ia te oe o le a faalauteleina e le Agaga Paia lou malamalama i le perisitua ma musuia ma faagaeetia ai oe i ni auala matagofie.”3

Sa faamoemoe faatonuga a Iosefa Samita i le Aualofa e saunia ai tamaitai e “o mai ia mauaina avanoa & faamanuiaga & meaalofa o le perisitua.” O lenei mea o le a faataunuuina e ala i sauniga o le malumalu.

“O sauniga o le malumalu [o ni] sauniga o le perisitua, ae latou [te] le faaeeina tofi faale-Ekalesia i luga o le Alii po o tamaitai. [O nei sauniga e faataunuuina] folafolaga a le Alii faapea o lona nuu—alii ma tamaitai—o le a ‘faaeeina ai outou i le mana mai luga’ [MF&F 38:32].“4

Mau Faaopoopo ma Faamatalaga

Mataupu Faavaae ma Feagaiga 84:19–40; 121:45–46; reliefsociety.lds.org

Relief Society seal

Faatuatua Aiga Toomaga

Faamatalaga

  1. M. Russell Ballard, “Alii ma Tamaitai ma le Mana o le Perisitua,” Liahona, Sete. 2014, 36.

  2. Sheri L. Dew, i Afafine i Lo’u Malo: O Le Talafaasolopito ma le Galuega a Le Aualofa (2011), 128.

  3. Linda K. Burton, “O le Mana o le Perisitua—Ua Avanoa mo Tagata Uma,” Liahona, Iuni 2014, 39–40.

  4. Autu o le Talalelei, “Joseph Smith’s Teachings about Priesthood, Temple, and Women,” topics.lds.org.