Doktrina nga Gihatagan og Gibug-aton
Ang Panumpa ug Pakigsaad sa Priesthood
“Ang usa ka tighupot sa Melchizedek Priesthood nakigsaad sa pagtuman sa mga responsibilidad nga may kalabutan sa Aaronic Priesthood ug sa pagpalambo sa iyang calling diha sa Melchizedek Priesthood. …
“Agig balos, ang Dios nagsaad nga ang usa ka tighupot sa Melchizedek Priesthood makadawat sa mga yawe sa pagsabut sa mga misteryo sa Dios. Mamahimo siyang hingpit aron nga siya makabarug sa presensya sa Dios. Makahimo siya sa pagtuman sa iyang tahas sa buhat sa kaluwasan. Si Jesukristo moandam sa agianan sa tighupot sa priesthood ug magauban kaniya. Ang Espiritu Santo maanaa diha sa kasingkasing sa tighupot sa priesthood, ug ang mga anghel moagak kaniya. Ang iyang lawas malig-on ug mabag-o. Mahimo siyang manununod sa mga panalangin ni Abraham ug, uban sa iyang asawa, isigka-manununod uban ni Jesukristo sa gingharian sa Langitnong Amahan. Kini mga ‘bililhon ug dagko uyamot nga mga saad’ [2 Pedro 1:4]. Wala nay labaw pa ka mahinungdanong mga saad nga mahunahuna.”