“Nagtuo ko nga kadaghanan sa mga miyembro mikonsiderar sa pagserbisyo nga pinakasentro sa ilang mga pakigsaad ug pagkadisipulo. Apan naghunahuna usab ko nga usahay mas sayon nga ibaliwala ang pipila ka dagkong oportunidad sa pagserbisyo sa uban tungod kay nabalda ta o tungod kay naglaum ta og dakong paagi sa pag-usab sa kalibutan ug wala nato makita nga ang pipila ka importanting mga panginahanglan nga atong masugatan anaa sa atong kaugalingong mga pamilya, sa atong mga higala, sa atong ward, ug sa atong komunidad. Maapektuhan kita kon makita nato ang pag-antus ug dakong panginahanglan niadtong layo kanato, apan nagkulang ta nga makita nga dunay tawo kinsa nanginahanglan sa atong pakighigala nga molingkod tupad nato diha sa klase. …
“… Mahimong gibutang sa Langitnong Amahan kadtong nanginahanglan kanato diha sa atong duol, nakahibalo nga kita ang labing angayan nga makahimo sa pagkab-ot sa ilang mga panginahanglan.”
“Kanus-a ug sa unsang paagi moabut ang inspirasyon alang sa pakigpulong sa kinatibuk-ang komperensya?
“Nga walay mga topic nga gi-assign, makita nato nga ang langit nanginlabut sa mga hilisgutan ug mga tema sa mahangturong kamatuoran sa matag komperensya.”
Elder Neil L. Andersen sa Korum sa Napulog Duha ka mga Apostoles, “Ang Tingog sa Ginoo ,” Liahona, Nob. 2017, 123.
Imahe
Elder Jeffrey R. Holland
“Nagtuo ko sa pagkahingpit sa [Dios], ug nasayud ko nga kita Iyang espirituhanong mga anak nga may balaang potensyal nga mahimong sama Kaniya. Nasayud usab ako nga, isip mga anak sa Dios, kinahanglang dili nato ipakaubos o dauton ang atong kaugalingon, nga daw ang pagsilot nato sa atong kaugalingon makahimo kanato nga tawo nga maoy gusto sa Dios nga kita mamahimo. Dili! Uban sa kaandam nga maghinulsol ug tinguha alang sa dugang nga pagkamatarung sa atong mga kasingkasing kanunay, manghinaut ko nga atong mapadayon ang personal nga paglambo sa paagi nga dili maglakip og negatibong mga sangputanan sa pisikal ug emosyonal, kaguol o pagkunhod sa atong pagsalig sa kaugalingon. …
“‘Oo, duol ngadto ni Kristo, ug paghingpit diha kaniya … ,’ mihangyo si Moroni. ‘Mohigugma sa Dios uban sa tibuok ninyo nga gahum, hunahuna ug kusog, niana … pinaagi sa iyang grasya kamo mahimo nga hingpit diha kang Kristo ‘ [Moroni 10:32 ; emphasis gidugang]. Ang atong bugtong paglaum alang sa tinuod nga kahingpitan mao ang pagdawat niini isip gasa gikan sa langit. Dili nato kini ‘mapaningkamutan.‘ Busa, ang grasya ni Kristo nagtanyag kanato dili lamang sa kaluwasan gikan sa kasubo ug sala ug kamatayon apan sa kaluwasan usab gikan sa atong kaugalingong makanunayon nga pagpanaway sa kaugalingon.”
Imahe
President Russell M. Nelson
“Sukad sa hagit ni Presidente Monson [sa pagtuon ug pagpamalandong sa Basahon ni of Mormon], naningkamot ko sa pagsunod sa iyang tambag. Taliwala sa ubang butang, naglista ko kon unsa ang Basahon ni Mormon, unsa ang gipamatud-an, niini, unsa ang gisupak, unsa ang gituman, unsa ang gipatin-aw, ug unsa ang gipadayag niini. Ang pagsusi sa Basahon ni Mormon sa ingon niana nga paagi makapahinuktok ug makapadasig nga buhat! Morekomendar ko niini sa matag usa ninyo. [Tan-awa sa katapusan sa pakigpulong ni Presidente Nelson alang sa mga lista nga iyang nahugpong] …
“[Ikonsiderar kining mga pangutana;] Una, unsa kaha ang inyong kinabuhi kon wala ang Basahon ni Mormon? Ikaduha, unsa kaha unta ang wala ninyo mahibaloi ? Ug ikatulo, unsa kaha unta ang wala ninyo maangkon ? …
“Nasayud ako nga si Presidente Thomas S. Monson ang propeta sa Dios dinhi sa yuta karon. Gihigugma nako siya ug mipaluyo kaniya sa tibuok nakong kasingkasing.”