Digital Only

3 ka Paagi nga Mahimong usa ka Imahe sa Amahan

Ni Sarah C. Keenan

Mga Magasin sa Simbahan

Unsay imong mahimo aron mahimong usa ka imahe sa amahan ngadto sa imong ward ug komunidad?

Ang ubang mga lalaki adunay pribilehiyo nga mahimong usa ka amahan, samtang ang uban dili makasinati og pagkaamahan hangtud human sa Pagkabanhaw. Bisan unsa pa ang imong sitwasyon, aniay tulo ka paagi nga ikaw mahimong usa ka imahae sa amahan nga makaimpluwensya niadtong anaa sa imong palibut:

1. Palamboa ang imong Calling

   Kon ikaw usa ka sakop sa bishopric o nursery teacher, ang imong calling naghatag nimo og daghang mga oportunidad sa pagtabang pinaagi sa kakugi ug kadasig niadtong anaa sa imong palibut kinsa nagkinahanglan og giya ug gugma. Ang usa ka deacons quorum adviser makaawhag sa batan-ong mga lalaki kinsa nakigbisog sa espirituhanon o temporal nga mga problema. Ang usa ka home teacher makapalambo sa mga kinabuhi sa pamilya nga iyang bisitahan. Samtang imong palamboon ang imong calling, ikaw adunay daghang mga oportunidad nga hingpit nga magamit ang gahum sa priesthood sa Dios ug sa pagpanalangin sa mga kinabuhi nga anaa sa imong palibut (tan-awa sa D&P 84:32–33).

2. Pagtabang

   Sinatia ang mga talento ug mga interes sa kabatan-onan nga imong gikauban. Pag-email ug pagsulat ngadto sa mga misyonaryo. Lig-una ang imong relasyon sa imong mga igsoon, mga pag-umangkon, mga ig-agaw, ug ubang mga sakop sa pamilya. Ang oportunidad nga mahimong imahaw sa amahan dili dayon mahitabo, apan samtang imong palig-unon ang mga relasyon ug mas nagpakabana niadtong nakigbisog, ikaw anaa sa posisyon sa pagtabang og batan-on nga mohimo og importante nga mga desisyon sa kinabuhi.

3. Pagpakita og Tiunay nga Gugma

   Ang ubang kabatan-onan nga imong gikauban tingali adunay mga isyu sa kinaiya o dili maayo nga mga kinaiya nga makapadismaya. Makatintal usahay ang pagdisiplina o paghimo og mga utlanan alang sa kabatan-onan o mga bata. Bisan og gikinahanglan kini sa pipila ka higayon, dili kini ang labing epektibo nga paagi sa pagkorihir kanila, ilabi na kon sila dili imong kaugalingong mga anak. Paningkamot sa pagsunod sa ehemplo sa atong Langitnong Amahan, kinsa “maloloy-on ug puno sa grasya, mahinay sa kasuko, ug madagayaon sa mahigugmaong kalulot [kalooy]”(Salmo 86:15).

Unsa Ang Akong Mahimo?

Bisan unsa pay imong kahimtang sa kinabuhi, mahimo kang impluwensya alang sa kaayohan ngadto sa kabatan-onan nga imong ikauban. Pagkonsiderar og usa ka tawo nga imong tabangan. Paghimo og tigpahinumdom unsay imong buhaton sa pagpanalangin niadtong nanginahanglan.

Pagdiskobre pa og Daghan

Alang sa dugang pa nga mga ideya unsay gipasabut nga mahimong usa ka imahe sa amahan, basaha ang artikulo sa Liahona “Matarung nga Impluwensya sa Usa ka Amahan.”

Ang LDS.org nagtanyag og impormasyon kon unsaon sa pagpalig-on sa mga relasyon sa pagsalig ug i-angkla ang kabatan-onan sa imong kinabuhi ngadto sa ebanghelyo.