Pasigaa ang Imong Kahayag

Pagpakita sa Iyang Gugma

Hello! Ang akong ngalan mao si Love. Mapasiga nako ang akong kahayag pinaagi sa pagpakita og gugma ngadto sa akong pamilya.

Mahitungod Nako

Nagpuyo ko sa Nigeria. Usa kana ka nasud sa Africa. Nagpuyo ko uban sa akong mga ginikanan ug mga igsoon. Ang akong paborito nga kanta mao ang “Children All over the World.” Ang akong paborito nga kasulatan mao ang 1 Nephi 3:7.

Duol sa Templo

Nagpuyo mi nga duol kaayo sa Aba Nigeria Temple. Lima ra ka minuto lakton! Malipay kaayo ko kon mobisita sa templo. Nangandam ko sa panahon nga ako makasulod aron magpabunyag.

Ang Labing Maayong Dapit nga Anhaon

Sa mga Lunes, pahinumduman nako ang akong mga igsoon mahitungod sa family home evening. Ganahan ko kon ang akong papa maoy magluto sa panihapon ug kaming tanan manayaw. Ang panimalay mao ang labing maayong dapit nga anhaon.

Pagtabang sa Akong mga Igsoon

Kada buntag, pukawon nako ang akong mga manghud para sa among debosyunal sa pamilya. Manganta kami og mga himno, magtuon sa mga kasulatan, ug mangluhod ug mag-ampo ming tanan. Dayon tabangan nako sila nga mangandam para moeskwela. Gibati nako nga katungdanan kini nga akong nautang sa akong Langitnong Amahan sa paghigugma ug pagtabang sa akong mga igsoon.

Trabaho ug Pagdula

Gikan sa eskwelahan motabang ko sa akong mama sa buluhaton sa balay. Tabangan usab nako ang akong mga igsoon sa ilang mga assignment sa eskwelahan. Wala koy panahon nga magdula, apan ganahan ko nga magbiseklita ug maghimo og mga tabanog. Bation nako akong gugma sa Langitnong Amahan kon mopakita ko og gugma sa akong pamilya.

Unsaon nga Ikaw Mohayag?

• Basahi ang usa ka igsoong lalaki o babaye.

• Pangutan-a ang imong mama unsay imong ikatabang.

• Pahinumdumi ang imong pamilya mahitungod sa pag-ampo sa pamilya.

Padad-i Kami og Bitoon!

Misugo si Jesus kanato nga “[atong] pasigaon ang [atong] kahayag sa atubangan sa mga tawo” (Mateo 5:16). Unsaon ninyo sa pagpasiga sa inyong kahayag? Pag-email namo og litrato sa imong bitoon kauban sa imong istorya, litrato, ug pagtugot sa ginikanan sa [e-mail].