Tofiga o Au Peresitene i Eria

O Eria i Amerika i Matu ua Vaavaaia Nei e Au Peresitene o Eria

Ua fofogaina mai e le Au Peresitene Sili e faapea o eria i le Iunaite Setete ma Kanata—sa vaavaaia talu ai e uso o le Au Peresitene o Fitugafulu—o le a faatautaia nei e Au Peresitene o Eria. O lenei suiga o le a amata atu i le aso 1 Aokuso.

“O le faavaeina o Au Peresitene o Eria mo le Iunaite Setete ma Kanata o se laasaga taua agai i luma,” na saunoa ai Peresitene M. Russell Ballad, Sui Peresitene o le Korama a Aposetolo e Toasefululua. “Ua mafai ai e le Usoga ona taulai i manaoga patino o itulagi taitasi, e avatu ai fautuaga ma taitaiga i taitai faaitulagi ma lotoifale. Ua maua ai foi e le Au Peresitene o Fitugafulu se avanoa sili atu e fesoasoani ai i le Korama a le Toasefululua ia latou galuega ma faataunuu ai isi tofiga.”