O Se Molimau Pupula

Talofa! O lou igoa o Steffani! Ou te taumafai e faasusulu atu lou malamalama e ala i le faasoaina atu o lau molimau.

O Se Motu Matagofie

Ou te nofo i Sri Lanka. O se motu atunuu matagofie e latalata i le pito i saute o Initia. E iai o matou togavao o le teropika, o le sami lanu moana, ma mea na faaleagaina faasolopito anamua. Ou te alofa i lou atunuu!

Uo mai Soo se mea

O lau aoga e iai tamaiti mai atunuu e tele. O nisi o Kerisiano, Musulemi, Hindu, po o Buddhist. Matou te agaalofa ma faauo uma lava o le tasi i le isi.

1 . O Se Valaaulia Taufaafefe

I se tasi aso sa fai ai se faatasiga faapitoa o tamaiti Kerisiano. Sa valaaulia matou e faasoa atu a matou molimau. Na faatumulia le potu i le filemu. E leai se isi na alu i luga o le tulaga. Na fefefe tele tagata uma! Ou te matuai ma lava, o lea sa ou lagona foi faapena.

2. “Alu, Alu”

Ona oo mai lea o se lagona mafanafana i ou luga, ma e sa ou lagona le Agaga Paia o faapea mai, “Alu, alu.” Sa ou faia se tatalo vave i lou loto. Sa ou savali atu i le tulaga ma pepe ua feleleai solo i totonu o lou manava.

3. Faasoa Atu Lau Molimau

Sa ou tau atu i lau vasega e alofa le Tama Faalelagi ia i tatou ma e finagalo ia tatou fesootai atu ia te Ia e ala i le tatalo. Sa ou faasoa atu ou lagona i le tatalo. Sa ou faapea atu ou te iloa le Tama Faalelagi e faafofoga mai pea ia te au ma finagalo e fesoasoani ia te au. Sa ou fiafia sa ou maua le lototele e faasoa atu ai lau molimau. Sa ou lagonaina e faapei sa fai au ma malamalama susulu i se potu toafimalie.

4. Alu ma Fai

O lau tala ou te fiafia iai i tusitusiga paia o lo o maua i le Tusi a Mamona, na faapea mai ai Nifae o le a ia alu ma fai mea e finagalo iai le Alii. Ou te faamoemoe ou te mafai ona ou maua le lototele e fai le mea e finagalo iai le Tama Faalelagi ou te fai.