Kanion Prea
Las yia, mi bin go long wan wokbaot wetem papa mo brata blong mi. Mifala i go wokbaot i go long kanion. I no longtaem, mifala i kamaot long rod mo folem wan nara smol rod. Mifala i faenem ol bigfala hol blong ston, mo ol naesfala ples blong stanap mo lukluk i go long evri ples. Mifala i klaem i go antap, mo antap moa, i go ova long ol ston we oli stap folfoldaon mo ol hil we oli stret i go daon.
Afta smol taem, naoia mifala i lus. Mifala i no save wijwan rod blong folem blong kasem daon long kanion. Mifala i fas long wan bus we i tik, mekem se mifala i nomo save luk top blong kanion, mo daon long kanion. Mi stat blong harem nogud smol. Mi no bin save weaples blong go, !mo papa blong mi tu!
Ples i stap tudak, mo i kolkol, mo mifala i stap longwe blong kamaot long kanion. Mi bin save se Papa long Heven i save wanem rod blong folem.
Mi talem: “!Sapos yumi wantem kamaot long ples ia, yumi nid blong prea!” Mekem se mifalatri i nildaon, mo prea, mo askem Papa long Heven blong lidim mifala i kamaot long kanion.
Taem mifala i stat blong wokbaot i go, wan filing i talem long mi se taem bae mi luk wan tolfala tri we i stret gud i go antap, bae mi mas tanem mi i go long lef. Afta, taem mi tanem i go long lef saed, mi luk trak blong mifala. Mi bin save se Papa long Heven i bin helpem mifala blong kamaot long kanion ia. Papa long Heven i bin ansarem prea blong mifala, mo mifala i aot, mifala i sef—stret long taem we san i stap draon.
Mi talem tangkyu from paoa blong prea mo from wan Papa long Heven we i save lisin.