Digital Wōt

14 Wāween ko n̄an Bar Bōk Ājmour ilo En̄jake

Jān Heather J. Johnson

Rijeje eo ej jokwe ilo Idaho, USA.

N̄e kwoj en̄jake am̧ ikkijeļo̧k, ewōr wāween ko n̄an en̄jake 100 bōjāān bar juon alen.

Mour in emaron̄ in bōkļo̧k ad kajoor jet iien, ak n̄e jej un̄n̄are peid make, jemaron̄ in tōpar aikuj ko jej en̄jake im jelm̧ai em̧m̧an im nana mour aolep raan. Ejjab meļeļe bwe jej jāmin aikuj jipan̄. Ijjelo̧kin, en̄jake ad un̄n̄are peid make ej jeļā n̄āāt jemaron̄ jelm̧ae kareel in en̄jake ko jān kōj make im jeļā n̄āāt jej aikuj in pukot jipan̄ im rie jān rie jān ro jet.

Ilo ad ekkatak wāween n̄an en̄jake im uwaak n̄an en̄jake ko ilo juon wāween āājmour, jej jino obrak im ļapļo̧k ad iien n̄an jerbal ilo aelōn̄ in kiin̄ in an Anij. Jet iaan ļōmņak kein remaron̄ jipan̄ ilo am̧ pukot n̄an am̧ un̄n̄are peid make.”^*

1. Kōm̧m̧ani men ko repidodo: jar, ekkatak jeje ko rekwojarjar, etal n̄an jar, im kōm̧m̧an jerbal in jipan̄. Ļōmņak ko ren pedped wōt ioon kam̧m̧oolol.

2. Kōjparok ānbwinnūm̧ make. Lale bwe kwoj kan̄i m̧ōn̄ā ko rōōne, en ļap iien am̧ kiki, im kāājimourur. Ājmour eo ad ilo ānbwin ej kōkajoorļo̧k ājmour in en̄jake im kōļmenļo̧kjeņ eo ad.

3. Kōm̧m̧ane juon am̧ journal make. Ad ekkejelļo̧k wōt ilo en̄jake ko ad ej m̧ōttan wōt ad maron̄ un̄n̄are peid make ilo en̄jake im kōļmenļo̧kjeņ. Je juon jōnōļ ej juon wāween em̧m̧an n̄an ejaake en̄jake ko.

4. Kōnono m̧ool kōn en̄jake ko am̧ ippān ro m̧ōttam̧ ak baam̧le eo. Kōnono kōn en̄jake ko am̧ ippān bar juon armej eo āājmour me emaron̄ jipan̄ dāpij jokun wōt juon ilo ājmour in en̄jake im kōļmenļo̧kjeņ eo am̧.

5. Jar n̄an jipan̄ ijjelo̧kin kajim̧we. Ļōmņak im ukōt naan kein āinwōt “Jouj, Jemedwōj, kajokkunwōt juon en̄jake im kōļmenļo̧kjeņ eo aō” n̄an ro jet āinwōt “Jouj, Jemedwōj Ilan̄, kwaļo̧k n̄an n̄a ta eo ij aikuj in ekkatak im kōm̧m̧ane n̄a make n̄an kajokunwōt juon en̄jake im kōļmenļo̧kjeņ eo aō.”

6. Etale mour eo am̧ n̄e ejukkunwōt juon. Etale iien im kajoor eo am̧ kwoj joļo̧k n̄an baam̧le eo am̧, kwe make, jerbal in jipan̄, jipan̄, im kāājimourur. N̄e juon eria ej ko̧o̧te iien im kajoor eo jān eria ko jet, kiiō kwoj jino luuji iien am̧ kiki, kajoor, im am̧ mijōk wōt eria kein. Meļeļein bwe ej iien n̄an jiped batin eo im bar kōm̧m̧an bwe en jokunwōt juon.

7. Jab aepādpād. Kōm̧m̧an bwe men otemjej ren maron̄ jab jokunwōt juon ej tōlļo̧k n̄an aer in kōmālij. Kajidikdiki jerbal ko reļļap bwe ren erom̧ jerbal ko reddik. Jinoe, kakeememej eok make, “Men eo ij kōm̧m̧ane kiiō ej ______” ak “Inaaj kōm̧m̧ane menin jejjo minit innām kakkije jidik n̄e ij aikuj.”

8. Pijaiki ilo kōļmenļo̧kjeņ eo am̧ tōprak. Inepata emaron̄ juon wāween kōm̧m̧an likjab ilo kōļmenļo̧kjeņ. Ijjelo̧kin bar kamineneiki ta eo emaron̄ in bōd ak lukkuun inepata kake “ta eļan̄n̄e,” kaminene eo ilo kōļmenļo̧kjeņ em̧m̧an waļo̧kin im kōm̧m̧an karōk ko n̄an tōpari. Eļan̄n̄e men otemjej rejjab jerbal āinwōt kar karōke āinwōt am̧ kar kōjatdikdik, pijaik eok make am̧ ekkatak jān am̧ epejo̧rjo̧r im wōnm̧aanļo̧k wōt.

9. Mijōk wōt ta eo kwoj kōm̧m̧ane ejim̧we, im kattoļo̧k am̧ keidi eok make n̄an ro jet. Armej ro me eļap kōtmāne ippāer make ekkā wōt aer ļap wōt aer mijōk m̧ōjņo̧ ko aer im likjab ko. Innām, ijjelo̧kin kōkōm̧anm̧anļo̧k, rej en̄jake ejjeļo̧k kōjatdikdik. Kōm̧m̧ane juon laajrak in aorōk ko am̧, tōļan ko, imminene ko, im menin letok ko. Karōke wāween am̧ maron̄ kōjerbali kajoor kein ilo wiik in.

10. Kōtļo̧k ta eo ejjeļo̧k am̧ kajoor ioon. Mokta, anemkwoj an ro jet, mejatoto, likjab ko am̧, ak m̧wil eo m̧wilin armej ro jet ejjeļo̧k am̧ kajoor in peek er. Mijōk wōt men ko komaron̄ kōm̧m̧ani, āinwōt m̧wil eo m̧wilim̧, ijo koņaam̧ ilo jem̧jerā eo, kālet ko am̧ kiiō, im m̧wil eo m̧wilim̧.

11. Kile ta ko rej bōk jikier im rej waļo̧k in jet imminene in jerbal ko rejelmo. Ejjab aolepān men ilo mour in elukkuun ļap meļeļeir im kalimomo. Kōttoļo̧k eok jān kōm̧m̧an m̧akūtkūt ko rekōjak, rekajoor, ak reidaabtōk aer jerbal ippān men ko rejelmo. Ijjelo̧kin, kauteje im lan̄lōn̄ kōn men eo em̧m̧an ipeļaakūm̧, im pukot wāween ko n̄an kōkōm̧anm̧anļo̧k im jerbal.

12. Jab kōļapļo̧k am̧ illu. Armej ekkā wōt aer en̄jake inepata n̄e rej kālet n̄an aer lale ro jet n̄e rej (1)kaam̧jak, (2)kaljōkļo̧k aer jerbal, ak (3)jab kautiej. Ijjelo̧kin, lale eļan̄n̄e komaron̄ ļōmņak kōn juon kōmeļeļe eo eļapļo̧k an jouj kōn m̧wil eo aer. N̄an waanjon̄ak, bōlen remaron̄ mōk, kar jab karon̄ er, jab pojak, ak ļōmņak rej jipan̄. Kōm̧m̧ani kālet ko reban kōļapļo̧k illu.

13. Jab ļōmņak in bōk ikdeleel n̄an jekpen ņae ak kajook ro jet ak kwe make. Ijjelo̧kin, lale ta jorrāān eo im kajjitōk ippān ro jet n̄an jipan̄ kōm̧anm̧ane, mekarta wōn eo an bōd eo.

14. Ron̄jake Jetōb, jab ta eo enana. Eļan̄n̄e ewōr am̧ ļōmņak ko rejjab aorōk, kajook, kalulu, kōnanaik, akweel, reppen, ak ekwaļo̧k etan armej, rejjab jān Irooj. Julo̧ki. Al juon al, kwaļo̧k juon eoon, ak jar n̄an karuwaineneiktok Jetōb eo bwen bar ro̧o̧ltok.

• Jān “Resources for Managing Emotional Demands,” Adjusting to Missionary Life (2013), 29–34; “Becoming Emotionally Self-Reliant,” Self-Reliance Blog, Feb. 21, 2017, srs.lds.org.

Ta eo Komaron̄ Kōm̧m̧ane

Kajjieon̄ kōjerbal juon ak ruo iaan ļōmņak kein ilo wiik ko tok jet. Je aolep ļōmņak ko jet komaron̄ in kajjieon̄i n̄an jipan̄ eok make un̄n̄are peiūm̧ make ilo en̄jake im kōļmenļo̧kjeņ.

Pukot Eļapļo̧k

Etale bwebwenato ko jet kōn jerbale kōņaan ko itok jān en̄jake im kōļmenļo̧kjeņ an mour in ilo jākjen eo an rūm̧m̧an ded ilo Jānwōde 2019 Liaona.

LDS.org ej letok elōn̄ļo̧k loļo̧kjeņ ko im jipan̄ ko n̄an un̄n̄are peid make ilo en̄jake im kōļmenļo̧kjeņ.

Heather J. Johnson ej juon rijeje im rijeje bwebwenato. Ej iakwe jikāāt ilo dān im etal ilo iien winter n̄an toļ ko. Ej itok limoin kōn bwebwenato im jeje in British im ej kōmālim kōjerbal “y’ all” ilo bwebwenato ko aolep raan.