Iakwe jān Philippines!
Eta in Paolo. Im Eta in Margo. Ilo iōō in kōm̧ij ito itak ipeļaakin laļ in n̄an katak kōn ajri ro nejin Anij. Kobatok ippem̧ ilo am̧ loļo̧k Philippines!
Elōn̄ būki millien armej rej jokwe ilo Philippines, kobaļok ippān elōn̄ jet kain menin mour!
Ewōr ruwalitok kajin ko reļļab rej kōjerbali ilo Philippines. Bok in Mormon in em̧oj būriin i ilo kajin in na etan Cebuano.
Ewi waween am̧ toparļo̧k mōnjar eo? Ewōr jet armej in philippine rej kōjerbal wa ko bwilli kōn bajekōļ n̄an ito itak.
En̄iin juon CTR riin̄ ilo kajin Philippine eo ņa etan Tagalog. En̄iin ej wāween am̧ ba “kalōt jimwe eo”: piliin ang tama.
Erkein tampeļ ko ilo Cebu City kab Manila. Im kwojeļā ta? Kein karuo tampeļ emōj jino kallōk e ilo Manila! Renaaj bar jino ekkal tampeļ ilo bar ruo jikin ilo Philippine, Urdaneta kab Cagayan de Oro.
Ajri ro ilo Philippine rej ikkure kōn juon ikkure etan luksong tinik, ak “kelōk ioon kalōklōk ko.” Juon ak ruo ajiri rej jijōt ilaļ im likūt neer im peier ippān doon. Kiiō ajri ro jet rej kajjieon̄ in kājoon pā im ne ko rekoba ilo aer jab atōratōr ak jibwe.
Lo̧ rein jet mottad jān Philippines!
Aolep iien ij reim̧aanļo̧k n̄an iien ko an bam̧le riit jān jeje ko rekwojarjar. Ij en̄jake juon en̄jake em̧m̧an aolep iien n̄e ij riit jān jeje ko rekwojarjar.Lanneah D., 10 yio dretttan, Central Luzon, Philippines
“Ke ikkar ekatak wōt riit, iaar inepata bwe iaar jab maron̄ kōm̧ōkaj ao riit. Ro jinō im jema kab leddik eo jeiū rekar jipan̄ eō, kiiō lukkuun ikdeelel in riit jān jeje ko rekwojarjar.”Acumen D., 7 yio dettan, Central Luzon, Philippines
Kwoj jān ke Philippines? Jeje n̄an kōm̧! Kōmij m̧ōņōņō in ron̄ jān kwe!
Kom̧ool kōn am̧ alooje Philippines ippem̧! Bar lo eok iien in tok!