2019
Pukot juon Eo Etijem̧ļo̧k kōn Ājmour ilo Kōļmenļo̧kjeņ Eo Ejim̧we n̄an Eok
Jānwōde 2019

Digital Wōt

Pukot juon Eo Etijem̧ļo̧k kōn Nan̄inmej in Kōmālij Eo Ejim̧we n̄an Eok

Jān Kevin Theriot, PhD

LDS Jerbal ko an Baam̧le

Elōn̄ kālet ko im kajjitōk ko n̄an ļōmņak kaki n̄e kālet n̄an bōk jipan̄ eo kwoj aikuji.

Eļan̄n̄e kwon kar jab kālet juon rijipan̄ kōn nan̄inmej in kōmālij m̧okta, komaron̄ jab jeļā wāween n̄an pukot juon eo ekkar n̄an kajjojo jekjek ko am̧. Erkein rej men ko n̄an ļōmņak kaki ilo am̧ kappukot juon eo ejim̧we n̄an kwe.

Ta kain rijipan̄ n̄an ājmour ilo kōļmenļo̧kjeņ eo kwoj aikuji?

Ro Retijem̧ļo̧k kōn Ājmour ilo Kōļmenļo̧kjeņ im taktōki nan̄inmej ko kōn nan̄inmej in kōmālij. Enan̄in aolepāer ewōr ippāer diktata juon master degree ak jeļāļo̧kjeņ ko reļļapļo̧k, kamminene, im imminene ko. Lukkuun lale bwe eo etijem̧ļok eo kwoj kālete emaron̄ lewaj jerbal in jipan̄ ko kōn ājmour ilo kōļmenļo̧kjeņ.

Laajrak in ilaļ rej jet iaan rijipan̄ ro ekkā aer letok jipan̄. Jet remaron̄ in tijem̧ļo̧k ilo jet eria in jerbal āinwōt aer in kōmālij, kein kakkure, ak kōkapilōklōk an baam̧le. Likūt ilo kōļmenļo̧kjeņ bwe jon̄an wōnāān eo rej kōļļāiki ak ewi jon̄an jeļāļo̧kjeņ ippāer ejjab kakkōlkōl eo em̧m̧antata kōn ewi jon̄an kapāāl ak jipan̄ eo remaron̄ letok.

Psychiatrist

Juon psychiatrist ej juon tōktō (MD ak DO) eo etijem̧ļo̧k ilo uno n̄an kōmour jekjek ko rejelet ājmour ilo kōļmenļo̧kjeņ. Remaron̄ ļapļo̧k aer tijem̧ļo̧k ilo taktōki kūrub in rinan̄inmej ro āinwōt ajri ro, jodikdik ro, rūtto ro, ak lellap im ļōļļap ro.

Psychologist

Juon psycholigist ej juon eo ejeļā kōn ļōmņak ko, en̄jake ko, im m̧wil ko. Eļaptata, juon psychologist ej kabwijere juon doctoral degree (PhD, PsyD, EdD).

Psychiatric-nōōj an ājmour in kōļmenļo̧kjeņ

Juon psychiatric nōōj an ājmour in kōļmenļo̧kjeņ ej juon registered nōōj ewōr kamminene ippān ilo leļo̧k uno ko n̄an kōmour nan̄inmej ko kōn ājmour in kōļmenļo̧kjeņ.

Rijerbal in clinic eo ewōr an licensed

Juon rijerbal in clinic ewōr ippān kamminene im imminene eļaptata ilo taktōki nan̄inmej ko kōn ājmour ilo kōļmenļo̧kjeņ. Eļaptata, juon rijerbal eo ej kabwijer juon master ikijāān social work degree (MSW).

Rikakpilōklōk eo Etijem̧ļo̧k

Juon rikakpilōklōk eo etijem̧ļo̧k ewōr ippān kamminene im imminene kōm̧admōde nan̄inmej ko kōn ājmour ilo kōļmenļo̧kjeņ. Eļaptata, juon rikakpilōklōk eo etijem̧ļo̧k ej kabwijer juon master science degree (MS).

Ta eo kwoj ļōmņake n̄e kwoj kālet ilubwilijn kain rijipan̄ ro rej jipan̄ kōn ājmour ilo kōļmenļo̧kjeņ?

  • Jekjek eo am̧. Enan̄in aolep ro retijem̧ļo̧k ikijeen ājmour ilo kōļmenļo̧kjeņ rekkar n̄an jerbal n̄an kōm̧admōdi enan̄in aolep nan̄inmej ko, ak komaron̄ kōņaan kālet juon iaan ro rej tijem̧ļo̧k ilo kajjojo nan̄inmej ko am̧.

  • Mekarta kain uno rot kwoj aikuji, kapilōk, ak jim̧or. Elōn̄ jekjek ko kōn ājmour ilo kōļmenļo̧kjeņ me remaron̄ in biological, psychological, social, im ekkejelļo̧k ippān jetōb. Āinwōt juon uwaak, komaron̄ aikuj in lale elōn̄ļo̧k jān juon rijipan̄ ej letok ājmour ilo kōļmenļo̧kjeņ. N̄an waanjon̄an, komaron̄ aikuj in lale juon psychiatrist n̄an lewaj uno im bar rijipan̄ ej jipan̄ kōn ājmour in kōļmenļo̧kjeņ n̄an kōkapilōklōk.

Ewi wāween am̧ naaj lo juon rijipan̄ ej jipan̄ kōn ājmour ilo kōļmenļo̧kjeņ

Ewōr am̧ jejjo kālet ko:

  • Kajjitōk ippān lukkuun taktō eo am̧ kōn juon laajrak in rijipan̄ ro emaron̄ liwaj.

  • Kappukot juon jikin taktō ak naan in rōjan̄ em̧m̧an jān juon m̧ōttam̧ eo kwoj lōke, uwaan baam̧le, ritōl an Kabun̄ in, taktō, ak LDS Family Service ko (eļan̄n̄e ewōr juon opiij ilo eria eo am̧).

  • Kepaake juon doulul in ājmour ilo kōļmenļo̧kjeņ ijo jikum̧ ak laļ eo.

  • Kappukot ilo intōrnet jikin jerbal ko me ewōr tōrāāktōr ko ie kōn rijipan̄ ro rej jipan̄ kōn ājmour in kōļmenļo̧kjeņ ilo eria eo am̧.

Ta kajjitōk ko kwoj aikuj kajjitōk n̄e kwoj kālete juon rijipan̄ ej letok ājmour ilo kōļmenļo̧kjeņ?

Ļōmņak in ekōnono kōn unin kōnono kein:

  • Rej ke membōr ro reniknik ilo Kabun̄ in? Eļan̄n̄e jaab, ewōr ke aer m̧wil ko raorōk āinwōt kwe?

  • Ta jeļāļo̧kjeņ, kamminene, im iiō in en̄jake ko rekar būki?

  • Ta eria ko rej tijem̧ļo̧k ie?

  • Wōn rijipan̄ ro rej jipan̄ kōn joortoklik ro rej jerbal ippāer?

  • Opiij awa ro ko aer, wōņāān ko, im aetokan iien jerbal ko?

N̄e kwoj kālet juon rijipan̄ eo ej jipan̄ kōn ājmour ilo kōļmenļo̧kjeņ, jab jook in kajjitōk elōn̄ kajjitōk ko. Komaron̄ kajjitōk kajjitōk kein m̧okta jān etal n̄an iien loļo̧k eo am̧ kein kajuon. Elōn̄ rijipan̄ ro renaaj wōr juon aer website me rej kōnono kōn elōn̄ unin kōnono ko kar kōnono kaki ijin ilōn̄. Pukot eo ejim̧we epen n̄an ejaake juon jem̧jerā ilo lōke im bōk enan̄in aolep men kōn jerbal kōm̧admōd nan̄inmej eo am̧. Lukkuun jar n̄an kile kālet ko am̧, im kwonaaj jitōn̄ļo̧k iaļ eo ejim̧we.