Jāān in Mijen Ice-Candy Eo
Rijeje eo eaar jerbal in mijenede ilo Philippine im kiiō ej jukjuk im ameņak ilo Virginia, USA.
Jisōs eba n̄an e, Naajdik ļam̧ ko aō” (Jon 21:17).
Jared eaar etetal lok n̄an m̧weo im̧ōn jān im̧ōn jar eo ippān jinen im jemān ilo bwilin dret. Laddik eo eaar ļōmņak kōn katak eo ilo kilaaj eo an ajiri. Kōnke Jared ejab lukkuun em̧m̧an an ron̄jake, eaar lukun lali pija ko rikaki eo an ej kwaļok i im barāinwōt naan ko eear je i ion boot eo.
Ilo raan ņe, rekkar katak ke Jisōs eaar kajitok ippān rikaļoor ro an bwe ren mijenede. Jared eaar koļmenļo̧kjen kōn ta eo emaron̄ kōm̧m̧ane n̄an kajedeed ko̧jpel eo, enwōt Jisōs ekkar kajjitok. Eaar jeļā ke ejab maron̄̄ in kōm̧m̧ane mijen eo an kiiō wōt. Innem eaar wor juon an ļōmņak Bolen emaron̄ ijjino kakwon jāān n̄an mijen.
Ke Jared eaar toprakļok m̧weo im̧ōn, eaar kōjekdoon menin mour koot eo nejin, innem kajju n̄an loan m̧weo im̧ōn. eaar bok juon tarboj eo ekillep im mwijit juon ron̄ ijo itulon̄ in. Eaar je “Jāān in Mijen” ilo rajetton. Innem eaar etal n̄an ruum eo an im kwaļoki tok jāān ko an jān iumin jikin babu eo an. Juon illok juon, eaar likut jāān ko iloan tarboj eo. Botaab aolepen jāān ko an raar jab maron̄̄ binej lal in tarboj eo. Ewi wāwein an nej kōm̧m̧an elon̄ ļo̧k jāān?
Jared eaar ļōmņak im bar ļōmņak. Eaar re inaboj ļo̧k ilo wintō eo n̄an romaak in al. Ekar lukkuun bwil ilo Philippines. Jared im ajiri ro m̧ōttan rej m̧ōn̄ā aij ton̄al waini aolep mojin jikuul ilo alkin rālep. “En̄iin ej men eo!” eaar ļōm̧ņak. Bolen emaron̄̄ kōm̧m̧an aij ton̄al im wiakake n̄an ro im rekoņņaan kam̧ōlolo.
Jared eaar ettor im bikot Jinen. “Komaron̄ ke kwaļok tok ewi wawein ao kōm̧m̧an aij ton̄al?” Jared eaar jeknōļ. Rekar kojerbal kajin jeknōļ, juon kajin me kwoj kojerbal beim im kōnono. M̧am̧a eaar ettōn̄ dikdik im emajidjid.
Raan eo juon, Jared im Mama rekar jibadōk ļo̧k jikin wia eo ekilep ej pād naboj im wiaik aolepen men ko rej aikuji n̄an kōm̧m̧an aij ton̄al. Ke rekar tōpar m̧weo, Jared eaar kadiwoj juon booļ killep im karre dānnin āļ, milik ton̄al, peniļa, kab tipdikdik in waini. Mama im Jared rekar kojerbal banol n̄an kanne iiok eo ilo paak jidik. Rekar likūt aolep pāāk ko ilo kein ka kwoj eo. “Jerbal em̧m̧an!” Jinen eaar jeknol.
Ekar bok iien bwe aij ton̄al ko rej kwoj. Bōtaab raan eo juon, ālkin wōt jikuuļ, ekar pojak! Jared eaar tallon̄ e juon jea im jibwe tok kuļļar mouj eo jen loan jikin ka kwoj eo. Eaar illuk jet tool i kabin kuller eo im karōk lōn̄tak aij tōn̄al ko ņa ioon. Jared eaar jab kōņaan kōttar in wiakake men ko.
Jared eaar ettor naboj lok n̄an ial eo ebun̄aln̄al. Ro m̧ōttan rekar ikkure kōn limakaak ko kōm̧m̧an lo moko im kadkad kāān in kiwat ōjodi ko aer bwe ren okjak.
Ilo ijo iturajet in iaaļ eo, ļaddik eo eaar kepooj juon tābol ippān juon kōkaļļe emoj je, “Aij Tōn̄al, 5 pesos.” Eo mōttan Jhonell ettor lok im jiton ļok kuļļer eo. Eaar lelok lalem jāān peso, innem Jared eaar lelok jet aij tōn̄al. Erro kar kabokļok beiro ippān doon.
Ālikin jidik iien, ro jet mōttan Jared rekar bar itok im wia kijeer aij tōn̄al. Ālkin jet awa rem̧m̧ootlok ke Jinen eaar kūri n̄an kejota, m̧ōttan wōt kar jejjo aij tōn̄al repād.
Jared eaar jibwe lōn̄tak kuļļer eo mōttan jidik emmaat ippān jāā ko. Ilo pōjjo eo juon, eaar likut jāān in juon m̧ōttan jonoul eo an. Laddik eo ekar likut jāān ko jet ilo pōjjo eo an juon. Eaar jab maron̄ in kōttar n̄an lale an laplok koban baan in jaan in mijen eo an.
Ilo mweo, eaar likut jāān ko n̄an jāān-in-mijen ippān ko jet ilaļ in tarboj eo. Ekar lap wōt jikin! Botaab Jared eaar enjake māņāāņ itulowa ilo an ļōm̧ņak kon an nej kōm̧m̧ane jerbal in mijenede juon raan. Eaar kālōt bwe enaj wiakake aij tōn̄al aolep raan m̧ae iien ebooļ tarboj eo an. Ekar juon en̄jake eo eman n̄an kōm̧m̧an jaan bwe en maron̄ erom juon mijenede āinwōt an JIsos kar kajitok bwe en erom̧.